मंगळवारी काश्मिरमध्ये झालेल्या दहशतवादी हल्ल्यामुळे संपूर्ण देश हादरून गेला आहे. अशातच टीम इंडियाचा कोच गौतम गंभीरला जीवे मारण्याची धमकी मिळाली आहे. ISIS काश्मिरकडून ही धमकी मिळाल्याची माहिती आहे. मिळालेल्या माहितीनुसार, क्रिकेट टीमचा हेड कोचला धमकी मिळाल्यानंतर त्याने दिल्ली पोलिसांकडून सुरक्षा मागितली आहे.

मेल करून दिली माहिती

मिळालेल्या माहितीनुसार, गौतम गंभीरला दहशतवादी संघटना ISIS काश्मीरकडून जीवे मारण्याची धमकी देण्यात आली आहे. गंभीरने दिल्ली पोलिसांना संपर्क करत एफआयआर देखील दाखल केली आहे. यावेळी त्याने स्वतःसाठी आणि कुटुंबासाठी सुरक्षा मागितली आहे.

दहशतवादी हल्ल्याचा गंभीरकडून निषेध

मंगळवारी दुपारी काश्मीरमध्ये झालेल्या दहशतवादी हल्ल्याचा गंभीरने कडक शब्दात निषेध केला होता. या हल्ल्यात मृत्यूमुखी पडलेल्या लोकांच्या कुटुंबियांसाठी प्रार्थना करत भारत या हल्ल्याचं सडेतोड उत्तर देईल असं त्याने सोशल मीडियाद्वारे म्हटलं होतं.

दिल्ली पोलिसांनी हे प्रकरणं गांभीर्याने घेतलं असून याची तपासणी सुरु आहे. गंभीरला धमकीचे मेल करण्यात आले आहे. दिल्ली पोलीस हे सायबर क्राईच्या टीमसोबत ज्याने मेल पाठवला आहे, त्या व्यक्तीचा शोध घेण्याचा प्रयत्न करतायत. गंभीरला एका अनोखळी मेल आयडीवरून हा मेल आला आहे. ज्यामध्ये केवळ तीन शब्द लिहिण्यात आलेत. I kill u असं या मेलमध्ये लिहिण्यात आलंय.