Mohammed Shami News : कोलकाता न्यायालयाने भारतीय वेगवान गोलंदाज मोहम्मद शमीला त्याची विभक्त पत्नी हसीन जहाँला महिन्याला 1 लाख 30 हजार रुपये पोटगी देण्याचे आदेश दिले आहे.या 1 लाख 30 हजार रुपयांपैकी 50,000 रुपये हसीन जहाँसाठी वैयक्तिक पोटगी असेल आणि उर्वरित 80,000 रुपये त्यांच्या मुलीच्या देखभालीसाठी असतील.

2018 मध्ये, हसीन जहाँने महिन्याला 10 लाख रुपयांच्या पोटगीची (Alimony)मागणी करत न्यायालयात धाव घेतली होती. यामध्ये 7 लाख रुपये हे वैयक्तिक खर्च तर मुलाच्या संगोपनासाठी 3 लाख रुपये अशी विभागणी केली होती. ह

हसीन यांचे वकील मृगांका मिस्त्रीने न्यायलयाला विनंती केली होती की, 2021-22 या आर्थिक वर्षाात शमीच्या (Mohammed Shami) आयकर रिर्टननुसार, वार्षिक उत्पन्न हे 7 कोटींपेक्षा अधिक होतं. याच आधारावर 10 लाख रुपयांच्या मासिक पोटगीची मागणी करण्यात आली होती.

शमीच्या वकीलचा दावा

न्यायालयात शमीची बाजू वकील सेलिम रहमान यांनी मांडली. हसीन स्वत: मॉडेल म्हणून काम करत असून ठराविक रक्कम मिळवत होती. त्यामुळे पोटगी म्हणून मोठी रक्कम मागण योग्य नाही. न्यायालयाने दोन्ही बाजू ऐकून घेतल्या. त्यानंतर शमीने 1 लाख 30 रुपये मासिक पोटगी देण्याचा निर्णय न्यायालयाने सोमवारी घेतला. हसीन जहाँने दावा केला की मासिक पोटगीची रक्कम जास्त असती तर तिला दिलासा मिळाला असता.