IND vs AUS, 2nd ODI:

भारत विरूद्ध ऑस्ट्रेलिया या दोन्ही संघांमध्ये ३ वनडे सामन्यांची मालिका सुरू आहे. या मालिकेतील दुसरा सामना इंदुरच्या मैदानावर रंगणार आहे. या सामन्यापूर्वी एक मोठी अपडेट समोर आली आहे. संघातील वेगवान गोलंदाज जसप्रीत बुमराह दुसऱ्या वनडेतून बाहेर झाला आहे.

भारत विरूद्ध ऑस्ट्रेलिया यांच्यातील दुसरा वनडे सामना सुरू होण्यापूर्वी बीसीसीआयने ट्वीट करत याबाबत माहिती दिली आहे.

बीसीसीआयने आपल्या ट्वीटमध्ये लिहिले की, ' जसप्रीत बुमराह दुसऱ्या वनडेसाठी इंदुरला जाणार नाही. आपल्या कुटुंबाला भेटण्यासाठी त्याला टीम मॅनेजमेंटकडून विश्रांती देण्यात आली आहे. त्याच्याऐवजी मुकेश कुमारला संधी देण्यात आली आहे. राजकोटमध्ये होणाऱ्या तिसऱ्या वनडेत तो भारतीय संघासोबत जोडला जाणार आहे.

जसप्रीत बुमराहने पहिल्या वनडेत १० षटके गोलंदाजी केली. यादरम्यान त्याने ४.३० च्या इकोनॉमीने ४३ धावा खर्च करत १ गडी बाद केला. दुसरा वनडे सामना हा मालिका जिंकण्याच्या दृष्टीने अतिशय महत्वाचा असणार आहे. या सामन्यात जसप्रीत बुमराहची अनुपस्थिती ही भारतीय संघाची चिंता वाढवणारी बाब आहे. दुसऱ्या वनडेसाठी जसप्रीत बुमराहऐवजी प्रसिद्ध कृष्णाला भारतीय संघात स्थान देण्यात आलं आहे. (Latest sports updates)

या सामन्यासाठी असा आहे भारताचा संघ:

शुभमन गिल, रुतुराज गायकवाड, श्रेयस अय्यर, केएल राहुल (कर्णधार/यष्टीरक्षक), ईशान किशन, सूर्यकुमार यादव, रविंद्र जडेजा, रविचंद्रन अश्विन, शार्दुल ठाकूर, मोहम्मद शमी, प्रसिद्ध कृष्णा