Babar Azam Buys Sherwani:

भारतात सध्या वर्ल्डकप २०२३ स्पर्धेचा थरार सुरु आहे. मंगळवारी (३१ ऑक्टोबर) झालेल्या सामन्यात बांगलादेश आणि पाकिस्तान हे दोन्ही संघ आमने सामने आले होते. या सामन्यात पाकिस्तानने ७ गडी राखून विजय मिळवला. या सामन्यापूर्वी पाकिस्तानचा कर्णधार बाबर आझमने ७ लाखांची शेरवानी खरेदी केल्याची बातमी समोर आली आहे.

पाकिस्तानचा संघ सध्या कोलकात्यात आहे. माध्यमातील वृत्तानूसार एका फाईव्ह स्टार हॉटेलच्या लाँजमध्ये बसून त्याने लाखो रुपयांची ज्वेलरी खरेदी केली आहे.ज्वेलरीसह त्याने सात लाख रुपयांची डिजाईनर शेरवानी देखील खरेदी केली आहे.

लवकरच अडकणार विवाह बंधनात..

वर्ल्डकप २०२३ स्पर्धा झाल्यानंतर बाबर आझम विवाह बंधनात अडकणार आहे. वर्ल्डकप सारखी मोठी स्पर्धा सुरु असताना कुठलाही पाकिस्तानी कर्णधार लग्नाची शॉपिंग करतोय हे यापूर्वी कधीही पाहायला मिळालेलं नाही. बाबर आझम शॉपिंगमध्ये व्यस्त असल्याने नव्या वादाला तोंड फुटू शकतं. पाकिस्तानचा संघ या स्पर्धेत चांगली कामगिरी करु शकलेला नाही. (Latest sports updates)

पाकिस्तानचा जोरदार विजय..

कोलकाताच्या ईडन गार्डन्सवर पाकिस्तान आणि बांगलादेश हे दोन्ही संघ आमने सामने आले होते. या सामन्यात बांगलादेशने नाणेफेक जिंकून प्रथम फलंदाजी करण्याचा निर्णय घेतला होता. बांगलादेशकडून महमदुल्लाहने सर्वाधिक ५६ धावांची खेळी केली.

तर लिटन दासने ४५ धावांचे योगदान दिले. बांगलादेशचा संघ २०४ धावांवर संपुष्टात आला. या धावांचा पाठलाग करताना पाकिस्तानकडून फखर जमानने ८१ धावांची खेळी केली. तर अब्दुल्ला शफिकने ६८ धावांची खेळी केली. या सामन्यात पाकिस्तानने ७ गडी राखून बाजी मारली