सध्या भारतासह जगभरात आयपीएल २०२५ ची धामधूम पाहायला मिळत आहे. अशातच एका लग्नाच्या बातमीने सर्वांचे लक्ष वेधले आहे. डब्लूपीएलमध्ये गुजरात जायंट्स या संघाच्या कर्णधाराने तिच्या गर्लफ्रेंडशी लग्न केले आहे. या महिला क्रिकेटपटूने सोशल मीडियावर फोटो पोस्ट करुन चाहत्यांना लग्नाची माहिती दिली आहे.

डब्लूपीएलमध्ये गुजरातच्या संघाची कर्णधार ॲशले गार्डनरने लॉन्ग टाइम रिलेशनशिपनंतर लग्न करण्याचा निर्णय घेतला. ॲशले गार्डनर तिची गर्लफ्रेंड मोनिका राइटसोबत विवाह बंधनांमध्ये अडकली आहे. एका छोटेखानी कार्यक्रमामध्ये त्यांचा लग्नसोहळा पार पडला. या सोहळ्यासाठी निवडक परिवार सदस्य आणि जवळच्या मित्रमैत्रिणींना आमंत्रण होते असे म्हटले जात आहे.

ॲशले गार्डनरने लग्नाचा फोटो इन्स्टाग्रामवर शेअर केला आहे. या फोटोच्या कॅप्शनमध्ये तिने 'मिसेस अँड मिसेस गार्डनर' असे म्हटले आहे. या लग्नासोहळ्याला किम गर्थ, फलंदाज ॲलिस विलानी, फोबी लिचफील्ड आणि ऑस्ट्रेलियन संघाची कर्णधार ॲलिसा हिली उपस्थित असल्याची माहिती समोर आली आहे.

ॲशले गार्डनर ही ऑस्ट्रेलियाच्या महिला क्रिकेट संघाकडून खेळते. तिच्याकडे डब्लूपीएलमध्ये गुजरात जायंट्सचे कर्णधारपदाची जबाबदारी सांभाळत आहे. तिच्या नेतृत्त्वात गुजरातच्या संघाने मागच्या सीझनमध्ये चांगली कामगिरी केली होती. ऑस्ट्रेलियाकडून खेळताना ॲशले गार्डनरने ७ कसोटी सामने, ७७ एकदिवसीय सामने आणि ९६ टी-२० सामने खेळले आहेत.