Arjun Tendulkar- Ishan Kishan:

आयपीएल २०२४ स्पर्धेसाठी सर्व संघांनी कंबर कसली आहे. मुंबई इंडियन्स संघाने देखील जोरदार सराव करायला सुरुवात केली आहे. मास्टर ब्लास्टर सचिन तेंडुलकरचा मुलगा अर्जुन तेंडुलकर देखील सराव करण्यासाठी मैदानात उतरला आहे. गेल्या २ वर्षांपासून मुंबई इंडियन्स संघासाठी खेळत असलेल्या अर्जुनला गेल्या वर्षी पदार्पण करण्याची संधी दिली गेली होती. दरम्यान आगामी हंगाम सुरू होण्यापूर्वी तो कसून सराव करताना दिसून आला आहे. त्याचा एक व्हिडिओ सोशल मीडियावर तुफान व्हायरल होत आहे.

गेल्या वर्षी अर्जुनला ४ सामने खेळण्याची संधी मिळाली होती. या वर्षीही संघात स्थान मिळवण्यासाठी तो कसून सराव करतोय. दरम्यान मुंबई इंडियन्सने त्याचा नेट्समध्ये गोलंदाजी करत असल्याचा व्हिडिओ शेअर केला आहे. ज्यात तो आपल्या भेदक माऱ्याने इशान किशनची बत्ती गुल करताना दिसून येत आहे. (Cricket news in marathi)

व्हायरल होत असलेल्या व्हिडिओमध्ये तुम्ही पाहू शकता की, अर्जुन तेंडुलकर रनअप घेऊन धावत येतो. त्यावेळी इशान किशन नेट्समध्ये फलंदाजीचा सराव करत असतो. तो इशानला असा काही यॉर्कर चेंडू टाकतो जो इशान किशनच्या पायाला जाऊन लागतो. या चेंडूवर त्याचा तोल जातो आणि तो आपटतो. त्यानंतर पुढचा चेंडूही तो यॉर्कर टाकतो. हा चेंडूही त्याला खेळता येत नाही.

अर्जुन तेंडुलकरला मुंबईने आपल्या संघात कायम ठेवलं. गेल्या हंगामात कोलकाता नाईट रायडर्स संघाविरुद्ध झालेल्या सामन्यात त्याला पदार्पण करण्याची संधी दिली गेली होती. या हंगामात त्याला ४ सामने खेळण्याची संधी मिळाली. यादरम्यान त्याने ३०.६७ च्या सरासरीने ३ गडी बाद केले. यादरम्यान फलंदाजी करताना १३ धावा केल्या.