Jemimah Rodrigues Instagram Post: भारतीय महिला संघातील क्रिकेटपटू जेमिमा रॉड्रिग्जने आपल्या सोशल मीडिया अकाऊंटवर एक पोस्ट शेअर केली आहे. ज्यात जेमिमासोबत मुंबई इंडियन्स संघाचा स्टार क्रिकेटपटू अर्जुन तेंडुलकर असल्याचे दिसून येत आहे.

अर्जुन तेंडुलकर (Arjun Tendulkar) आणि जेमिमाचा (Jemimah Rodrigues) हा फोटो सोशल मीडियावर तुफान व्हायरल होऊ लागला आहे. या फोटोमध्ये तिने अर्जुन तेंडुलकरसोबत असलेल्या कनेक्शनचा खुलासा केला आहे.

जेमिमाने हा फोटो शेअर करत लिहिले की, ' अंडर -१२ च्या दिवसांपासून ते आतापर्यंत.. आम्ही एक लांबचा पल्ला गाठला आहे...' अर्जुन तेंडुलकर आणि जेमिमा आणि या दोघांनी मुंबईच्या अंडर -१२ संघाचे प्रतिनिधित्व केले आहे. तेव्हापासुन हे दोघेही एकमेकांना ओळखतात. या फोटोमध्ये जेमिमाने बार्सिलोनाची जर्सी घातली आहे.

हा फोटो व्हायरल होताच अशी चर्चा सुरू झाली आहे की, टीम इंडियाची स्टार बार्सिलोनाची फॅन आहे. जेमिमा आणि अर्जुन तेंडूलकरसोबत या फोटोमध्ये प्रशिक्षक प्रशांत शेट्टी असल्याचे देखील दिसून येत आहे. (Latest sports updates)

आयपीएल २०२३ स्पर्धेत मुंबई इंडियन्स संघासाठी पदार्पण..

अर्जुन तेंडुलकर हा भारतीय संघाचा मास्टर ब्लास्टर म्हणून ओळखल्या जाणाऱ्या सचिन तेंडुलकरचा मुलगा आहे. अर्जुन तेंडुलकर हा देशांतर्गत क्रिकेटमध्ये गोवा संघाचे प्रतिनिधित्व करतो. यासह आयपीएल स्पर्धेत तो मुंबई इंडियन्स संघाचे प्रतिनिधित्व करतो. गेल्या एक वर्षांपासून तो संधीच्या शोधात होता.

मात्र त्याला संघासाठी खेळण्याची संधी मिळाली नव्हती. त्याला या हंगामात पदार्पण करण्याची संधी मिळाली आहे. तसेच आयपीएल २०२३ स्पर्धेतील कामगिरीबद्दल बोलायचं झालं तर, त्याने ४ सामने खेळले. यादरम्यान त्याला ३ गडी बाद करण्यात यश आले.

तसेच जेमिमाबद्दल बोलायचं झालं तर, जेमिमा ही सोशल मीडियावर प्रचंड सक्रिय असते. तिचे डान्स करतानाचे आणि गाणं गात असतानाचे व्हिडिओ सोशल मीडियावर जोरदार व्हायरल होत असतात. वुमेन्स प्रिमिअर लिग स्पर्धा सुरु असताना तिचे मैदानावर डान्स करतानाचे व्हिडिओ जोरदार व्हायरल झाले होते.