Ajinkya Rahane- Cheteshwar Pujara Batting Practice:

भारतीय संघाला दक्षिण आफ्रिकेविरुद्धच्या पहिल्या कसोटीत दारुण पराभवाचा करावा लागला आहे. सेंच्युरियनच्या मैदानावर झालेल्या हा सामना भारतीय संघाने १ डाव आणि ३२ धावांनी गमावला आहे.

या सामन्यात केएल राहुल आणि विराट कोहलीला सोडलं तर इतर कुठल्याही फलंदाजाला मोठी खेळी करता आलेली नाही. या निराशाजनक कामगिरीनंतर संघाबाहेर असलेले अंजिक्य रहाणे आणि चेतेश्वर पुजारासारखे अनुभवी खेळाडू चर्चत आले आहेत.

अंजिक्य रहाणेचा रेकॉर्ड भारतापेक्षा परदेशात दमदार राहिला आहे. परदेशात उसळी घेणाऱ्या खेळपट्टीवर अंजिक्य रहाणेची बॅट चांगलीच तळपली असती असं सुनील गावसकरांनी म्हटलं आहे. जर अंजिक्य रहाणे संघात असता तर भारतीय संघाची ही अवस्था नसती, असं सुनील गावसकरांनी म्हटलं आहे. (Latest sports updates)

रहाणेचा व्हिडिओ व्हायरल..

अंजिक्य रहाणेला दक्षिण आफ्रिकेविरुद्धच्या कसोटी मालिकेसाठी भारतीय संघात स्थान देण्यात आलेलं नाही. संघाबाहेर असतानाही तो कसून सराव करताना दिसून येत आहे. नुकताच त्याने आपल्या सोशल मीडिया अकाऊंटवर एक व्हिडिओ शेअर केला आहे.

या व्हिडिओत तो फलंदाजीचा सराव करताना दिसून येत आहे. या व्हिडिओला 'विश्रांतीचा दिवस नाही..' असे कॅप्शन दिले आहे. या ४ सेकंदाच्या व्हिडिओत त्याच्या फलंदाजीतील क्लास टायमिंग पाहायला मिळत आहे.

पुजाराचा कसून सराव..

रहाणेसह चेतेश्वर पुजाराला देखील या संघात स्थान देण्यात आलेलं नाही. हे दोन्ही अनुभवी खेळाडू नसण्याचा भारतीय संघाला मोठा धक्का बसला आहे. पहिल्या कसोटी सामन्यात भारतीय संघात अनुभवाची कमतरता दिसून आली.

दरम्यान संघाबाहेर असताना चेतेश्वर पुजारा रणजी ट्रॉफीसाठी कसून सराव करताना दिसून आला आहे. त्याचा फलंदाजीचा सराव करत असतानाचा व्हिडिओ सोशल मीडियावर व्हायरल होत आहे.