आयसीसी टी-२० वर्ल्डकप २०२४ स्पर्धेतील हाय व्होल्टेज सामना बागंलादेश आणि अफगाणिस्तान या दोन्ही संघांमध्ये पार पडला. हा सामना जिंकून दोन्ही संघांना सेमिफायनमध्ये जाण्याची संधी होती. अफगाणिस्तानने प्रथम फलंदाजी करताना ११५ धावा केल्या. या धावांचा बचाव करताना अफगाणिस्तानने ८ धावांनी विजय मिळवला आहे.
बांगलादेशला हा सामना जिंकण्यासाठी ११६ धावा करायच्या होत्या. या धावांचा पाठलाग करताना लिटन दास ढाल बनून संघासाठी शेवटपर्यंत उभा राहिला. बांगलादेशला सेमिफायनलमध्ये जाण्याची संधी होती. हे आव्हान बांगलादेशला १३ षटकात पूर्ण करायचं होतं. मात्र हे आव्हान बांगलादेशचा संघ पूर्ण करु शकला नाही. या धावांचा बचाव करताना अफगाणिस्तानच्या गोलंदाजांनी पूर्ण जोर लावला. शेवटी अफगाणिस्तान संघाने बाजी मारत सेमिफायनलमध्ये प्रवेश केला आहे.
या सामन्यात अफगाणिस्तानने नाणेफेक जिंकून प्रथम फलंदाजी करण्याचा निर्णय घेतला होता. प्रथम फलंदाजी करताना अफगाणिस्तानला २० षटकअखेर ५ गडी बाद ११५ धावा केल्या. अफगाणिस्तानकडून फलंदाजी करताना सलामीवीर रहमानुल्लाह गुरबाजने ५५ चेंडूंचा सामना करत ४३ धावांची खेळी केली. तर इब्राहीम जदरानने २९ चेंडूंचा सामना करत १८ धावांची खेळी केली. त्यानंतर ओमरजाई १२ चेंडूंचा सामना करत १० धावा करत माघारी परतला. शेवटी करीम जनतने नाबाद ७ आणि राशिद खानने १० चेंडूंचा सामना करत ३ चौकारांच्या मदतीने नाबाद १९ धावांची खेळी केली.
अफगाणिस्तानला सेमिफायनलमध्ये जाण्यासाठी केवळ हा सामना जिंकायचा होता. मात्र अफगाणिस्तानला या सामन्यात हव्या तितक्या धावा करता आल्या नव्हत्या. आव्हान छोटं होतं. मात्र अफगाणिस्तानच्या गोलंदाजांनी या धावांचा यशस्वी बचाव केला. यासह सेमिफायनलचं तिकीट पक्क केलं आहे. अफगाणिस्तानचा सेमिफायनलचा सामना २७ जून रोजी दक्षिण आफ्रिकेविरुद्ध होणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.