Shruti Vilas Kadam
उकडलेले बटाटे, हिरवी मिरची, लसूण, आलं, हळद, मोहरी, कढीपत्ता, मीठ, बेसन, तंदूरी मसाला, ब्रेडक्रम्ब्स, चीज स्लाइस, पाव आणि चटण्या तयार ठेवा.
कढईत तेल गरम करून मोहरी, कढीपत्ता, हिरवी मिरची, लसूण आणि आलं परता. त्यात उकडलेले बटाटे, हळद आणि मीठ घालून चांगले मिक्स करा.
तयार बटाट्याच्या मिश्रणाचे छोटे गोळे बनवा आणि प्रत्येक गोळ्याच्या मध्ये चीजचा तुकडा ठेवा.
बेसनमध्ये मीठ, लाल तिखट आणि थोडा तंदूरी मसाला घालून पाणी टाकून घट्ट पीठ तयार करा.
बटाट्याचे गोळे आधी बेसनाच्या पिठात बुडवा आणि नंतर ब्रेडक्रम्ब्समध्ये घोळवा, त्यामुळे वडे अधिक कुरकुरीत होतात.
कढईत तेल गरम करून तयार वडे सोनेरी आणि कुरकुरीत होईपर्यंत डीप फ्राय करा.
पावावर लसूण चटणी, हिरवी चटणी लावा, त्यात तयार वडा ठेवा आणि वरून तंदूरी सॉस किंवा मेयो घालून गरमागरम सर्व्ह करा.