मूळ नक्षत्र

धनु राशी केतू या ग्रहाच्या अंमलाखाली येणारे हे नक्षत्र. या व्यक्तीचा स्वभाव उदार, दुसऱ्यांना मान देणे, कायदा नीतीचे पालन करणारी, रूढी परंपरा मानणारे, दृढनिश्चयी कोणत्याही विषयात अगदी मुळापर्यंत जाण्याची आवड, आत्मचिंतनाची सवय, उगाच कोणाच्याही आहारी न जाण्याची वृत्ती असते.

संग्रही वृत्ती कुठल्याही गोष्टीवर विचारांवर वाद घालण्यात माहीर,आपले म्हणणे खरे करून दाखवण्याची वृत्ती, वैज्ञानिक दृष्टिकोन, अहंकारी घमेंडखोर, आपले म्हणणे खरे करून दाखवण्याची वृत्ती, आनंदी वृत्ती, दुनियाची पर्वा न करता वावरणे, वडील माणसांच्या विरोधात जाऊन कृती करणे शत्रुवर विजय मिळवणे, शिक्षणाची अत्यंत आवड, आई-वडिलांपासून असलेले रोग भोगावे लागतात.

सामाजिक कार्याची आवड असते, जादूटोणा यांवर विश्वास प्राचीन आणि जुन्या गोष्टींची आवड असते. अधिकारी व दुराग्रही असल्यामुळे आयुष्यात काही संधी गमावून बसण्याची वेळ येते. प्रवासाची आवड, फॅशनची आवड नाही. साधी पण उत्तम राहणे असते.

नोकरी व्यवसाय -

पुरोहित, पाद्री, मौलवी, पुराण विश्लेषक, उत्तम टीकाकार, कुत्रे पाळून त्यांची पैदास करून पैसे मिळवणे. जडीबुटीचे औषधाचे विक्रेते, लेखक - भुताचे त्यांच्या गुढ गोष्टी लिहिणारे, संपादक, गुप्तचर विभागात काम करणारे, सल्ला मार्गदर्शन करणारे व्यवसाय, वाडवडिलांचा व्यवसाय करणारे, क्लार्क इन्फ्रास्ट्रक्चर संबंधित क्षेत्रात नोकरी व्यवसाय ,lराजकीय नेता, स्पीकर नाडी परीक्षा उत्तम असणारी वैद्य,l घोडेस्वारी, घोड्यांचे पैदास, लष्करी पोलीस दलामध्ये नोकरी, उत्तम खेळाडू असू शकतात.

रोग आजार -

या नक्षत्रात गुप्तांग, गुदद्वार, लिंग, जंघा, कटिभग, फुफ्फुसे हे अवयव येतात. त्यामुळे संधिवात चालण्या फिरण्यास कष्ट, उष्णतेचे विकार, फुफ्फुसाचे विकार, मूळव्याध, कापणे, भाजणे, हाड मोडणे, झाडावरून किंवा उंचावरून पडणे. शस्त्रांच्या जखमा, अपघात, मणके सरकणे हे विकार संभवतात.