शिवलिंगावर अर्पण करण्यामागे धार्मिक आणि वैज्ञानिक कारण आहे. धार्मिक मान्यतेनुसार, हे भगवान महादेवाला प्रसन्न करण्याचा मार्ग आहे. शिवलिंगावर पाणी अर्पण केल्यानं पापातून मुक्ती मिळते, शिवाय मानसीक शांत मिळते. पण यामागे वैज्ञानिक कारण काय आहे याचं कारण जाणून घेऊ.

हिंदू धर्मात, भगवान शिव यांना विश्वाचा संरक्षण म्हणून ओळखले जाते. त्यांना 'जल तत्वाशी' विशेष आसक्ती असल्याचे मानले जाते. शिवलिंगावर पाणी अर्पण करणे हा भगवान शिव यांना प्रसन्न करण्याचा एक पवित्र मार्ग आहे. पाणी अर्पण केल्याने भगवान शिव भक्तांची पापातून मुक्तता करतात.

पाणी अर्पण केल्याने भगवान महादेवाचा क्रोध शांत होत असतो, असं शिवपुराण आणि स्कंदपुराण सारख्या धार्मिक ग्रंथांमध्ये म्हटलंय. त्रेता युगापासून कलियुगापर्यंत, जलाभिषेक हा पूजेचा एक आवश्यक भाग मानला गेला आहे. त्यात श्रावण महिन्यात शिवलिंगाला जल अर्पण करण्याचे महत्त्व आणखी वाढते.

वैज्ञानिक दृष्टिकोनातून पाणी हे शांत आणि थंड करणारे घटक आहे. शिवलिंग हे सहसा दगडापासून बनलेले असते आणि पाणी अर्पण केल्याने ते थंड राहते. यामुळे आजूबाजूचे वातावरण शुद्ध आणि शांत होते, ज्यामुळे मानसिक शांती मिळते. शिवलिंगावर पाणी ओतल्याने सकारात्मक ऊर्जा संक्रमित होते. शिवलिंगातून जेव्हा पाणी पृथ्वीवर पडते तेव्हा ते त्याच्या सभोवतालची नकारात्मक ऊर्जा नष्ट करते.

ते ऊर्जा संतुलनाचे माध्यम देखील मानले जाते. यामुळे घर आणि मन दोन्हीमध्ये शुद्धता आणते. शिवलिंगावर पाणी ओतल्याने अनेक मानसिक आणि शारीरिक आजार बरे होतात. नियमित जलाभिषेक केल्याने ताण, चिंता आणि राग यासारख्या समस्या दूर होतात. यामुळे व्यक्तीचे मन एकाग्र आणि शांत राहते.