मुंबई : ज्योतिष शास्त्रानुसार कुंडलीला अधिक महत्त्व दिले जाते. कुंडलीतील १२ स्थानांवर वेगवेगळे ग्रह स्थित असल्यास अनेक योग तयार होतात.

हे देखील पहा-

कुंडलीत निर्माण होणारे ग्रह आणि योगांद्वारे व्यक्तीचे वर्तमान आणि भविष्य कसे असेल हे कळते. माणसाच्या आयुष्यात किती सुख-दु:ख असेल आणि पैशाची स्थिती काय असेल. कुंडलीतील दुसरे स्थान हे धनस्थान आहे. यात बसणारे कोणते ग्रह शुभ असतात व यावर कोणत्या अशुभ ग्रहांची दृष्टी असते हे जाणून घेऊया

१. ज्योतिष शास्त्रानुसार ज्या व्यक्तीच्या कुंडलीतील दुसऱ्या स्थानात एखादा शुभ ग्रह असेल किंवा त्याची दृष्टी शुभ असल्यास अशा व्यक्तीला आयुष्यात कधीही पैशाची कमतरता भासत नाही व प्रत्येक क्षेत्रात चांगले यश मिळते.

२. कुंडलीतील दुसऱ्या स्थानात बुध ग्रह स्थित असल्यास त्यावर चंद्राची दृष्टी असेल तर ते अशुभ मानले जाते. अशावेळी व्यक्तीला खूप मेहनत करूनही यश मिळत नाही. यासोबतच पैसे जमवताना अनेक आर्थिक समस्यांना सामोरे जावे लागते.

३. व्यक्तीच्या कुंडलीत दुसऱ्या स्थानात चंद्र असेल हे शुभ मानले जाते. अशा व्यक्तीला कठोर परिश्रम केल्यानंतर चांगले यश मिळते आणि भौतिक सुखांचा आनंद घेता येतो.

४. कुंडलीतील दुसऱ्या स्थानात अशुभ ग्रह स्थित असेल तर ही स्थिती व्यक्तीसाठी खूप हानिकारक असते. अशा व्यक्तीला खूप मेहनत करूनही फारसे चांगले फळ मिळत नाही. त्यांना अनेक आर्थिक संकटाचा सामना करावा लागतो.

५. जर कुंडलीच्या दुसऱ्या स्थानात चंद्र असेल आणि त्यावर बुधाची दृष्टी असल्यास खूप मेहनत करुनही यश प्राप्त होत नाही. तसेच काही वेळा त्यांच्यामुळे कुटुंबाची (Family) संपत्तीही नष्ट होते.

६. कुंडलीत चंद्र एकटाच असेल व दुसऱ्या आणि बाराव्या स्थानात कोणताहा ग्रह नसेल तर ते अशुभ मानले जाते. अशावेळी या व्यक्तीकडे पैसा टिकत नाही. सतत पैसे (Money) खर्च होतात. कर्जाच्या समस्येला वारंवार सामोरे जावे लागते.

डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.

Edited By - Komal Damudre