सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. महाराष्ट्रातील वनविभागात नोकरीची सुवर्णसंधी आहे. मुख्य वनसंरक्षण विभागात ही भरती केली जाणार आहे. याबाबत महाराष्ट्र शासन वन विभागाद्वारे भरतीची जाहिरात प्रसिद्ध करण्यात आली आहे.

महाराष्ट्रातील वनविभागात विधी सल्लागार या पदासाठी भरती केली जाणार आहे. या नोकरीसाठी उमेदवारांकडून ऑफलाइन पद्धतीने अर्ज मागवण्यात आले आहे.

विधी सल्लागार पदासाठी उमेदवारांना विधी विषयक कामाचा अनुभव असायला हवा. सेवानिवृत्त अधिकारी, सेवानिवृत्त जिल्हा न्यायाधिश, अतिरिक्त जिल्हा न्यायाधीश, सेवानिवृत्त प्रथम वर्ग न्यायदंडाधिकारी येथे कामाचा अनुभव असावा. सेवानिवृत्ती अधिकारी आणि न्यायाधीशांनी या नोकरीसाठी अर्ज करावेत.

कोल्हापूर येथे ही पदभरती करण्यात येणार आहे. या नोकरीसाठी ऑफलाइन पद्धतीने अर्ज करु शकतो. १८ ऑक्टोबरपर्यंत तुम्ही अर्ज पाठवू शकतात.सुट्टीच्या दिवशी अर्ज पाठवू नये. मुख्य वनसंरक्षक, कोल्हापूर वनविभाग कार्यालय, वनवर्धन इमारत, तळमजला, पोस्ट ऑफिस समोर, ताराबाई पार्क, कोल्हापूर, ४१६००३ येथे तुम्हाला अर्ज पाठवायचा आहे.याबाबत सर्व माहिती जाहिरातीत देण्यात आली आहे. (Van Vibagh Job)

नाबार्डमध्ये नोकरी

१०वी पास तरुणांसाठी नाबार्डमध्येही नोकरीची संधी आहे. राष्ट्रीय कृषी आणि ग्रामीण विकास बँकेत १०८ पदांसाठी भरती जाहीर करण्यात आली आहे. ऑफिस अटेंडंट ग्रूप सी पदासाठी भरती जाहीर करण्यात आली आहे. १०वी पास उमेदवार या नोकरीसाठी अर्ज करु शकतात.