स्टेट बँक ऑफ इंडियामध्ये नोकरी करण्याची सुवर्णसंधी तुमच्याकडे आहे. स्टेट बँकेत सर्किल बेस्ड ऑफिसर पदांसाठी भरती जाहीर करण्यात आली आहे. या नोकरीसाठी अर्ज करण्यासाठी मुदतवाढ देण्यात आली आहे. या नोकरीसाठी अर्ज करण्याची शेवटची तारीख २९ जून देण्यात आली आहे. या नोकरीसाठी इच्छुकांनी लवकरात लवकर अर्ज करावेत.

स्टेट बँकेतील सर्किल बेस्ड ऑफिसर पदासाठी तुम्ही sbi.co.in या वेबसाइटवर जाऊन अर्ज करायचे आहे. यानंतर डायरेक्ट लिंकवर जाऊन अर्ज करावेत. या नोकरीसाठी तुम्ही प्रिंट आउट काढण्याची शेवटची तारीख १५ जुलै २०२५ आहे.

या भरती मोहिमेत अर्ज करण्यासाठी तुम्ही मान्यताप्राप्त विद्यापीठातून किंवा संस्थेतून कोणत्याही शाखेतून पदवी प्राप्त असणे गरजेचे आहे. मेडिकल इंजिनियरिंग/ इंजिनियरिंग / सीए पदवी प्राप्त केलेली असावी. या नोकरीसाठी अर्ज करताना उमेदवारांना दोन वर्षांचा कामाचा अनुभव असावा.

या नोकरीसाठी अर्ज करणाऱ्या उमेदवाराची वयोमर्यादा २१ ते ३० मध्ये असावी. आरक्षित प्रवर्गातील उमेदवारांना वयोमर्यादेत सूट देण्यात आली आहे.

अर्जप्रक्रिया

स्टेट बँक ऑफ इंडियाच्या या नोकरीसाठी अर्ज करताना तुम्ही ibpsonline.ibps.in/sbicboapr25/ या वेबसाइटला भेट द्या.

त्यानंतर Click here for New Registration वर जा.

यानंतर दिलेली संपूर्ण माहिती भरा आणि रजिस्ट्रेशन प्रक्रिया पूर्ण करा.

रजिस्ट्रेशन झाल्यानंतर तुम्ही सही आणि फोटो अपलोड करा.

यानंतर निर्धारित शुल्क भरुन फॉर्म सबमिट करा आणि प्रिंटआउट काढून तुमच्याजवळ ठेवा.

भरती

स्टेट बँकेतील ही भरती २९६४ पदांसाठी केली जाणार आहे.यातील २६०० पदे रेग्युलर पोस्टसाठी असणार आहेय २६५ पदे बॅकलॉगसाठी असणार आहे. त्यामुळे इच्छुकांनी लवकरात लवकर अर्ज करावेत.