रेल्वेत सरकारी नोकरी करण्याची अनेकांची इच्छा असते. तुम्हीही रेल्वेत नोकरी शोधत असाल तर ही बातमी खास तुमच्यासाठी. रेल्वेत सहायक लोको पायलट पदांसाठी भरती जाहीर करण्यात आली आहे. ९९७० रिक्त पदांसाठी ही भरती करण्यात येणार आहे.

रेल्वेतील लोको पायलट पदासाठी भरतीची अधिसूचना २९ मार्च ते ४ एप्रिलपर्यंत जारी होईल. त्यानंतर उमेदवार अर्ज करु शकतात. तरुणांसाठी रेल्वेत नोकर करण्याची ही उत्तम संधी आहे.

रेल्वे भरती बोर्डाच्या अधिकारी यांच्यानुसार,अधिसूचना जारी झाल्यानंतर १० एप्रिल २०२५ पासून अर्ज करु शकतात.या नोकरीसाठी अर्ज करण्याची शेवटची तारीख ८ मे २०२५ निश्चित करण्यात आली आहे. याबाबत अधिसूचना जारी झाल्यानंतरच माहिती मिळेल. या नोकरीसाठी उमेदवारांची निवड लेखी परीक्षा, सायकॉलॉजिल टेस्ट आणि कागदपत्रे पडताळणीद्वारे होणार आहे.

२०२४ मध्येही लोको पायलट पदांसाठी भरती निघाली होती. त्यावेळी ज्या उमेदवारांना अर्ज करता आले नाही किंवा ते परीक्षा पास करु शकले नाही. त्यांच्यासाठी ही उत्तम संधी आहे. या नोकरीसाठी अर्ज करणाऱ्या उमेदवारांनी १०वी पास असणे गरजेचे आहे. याचसोबत संबंधित ट्रेडमध्ये आयटीआय किंवा डिप्लोमा केलेला असावी. याबाबत सविस्तर माहिती अधिसूचना जाहीर झाल्यावर मिळेल.

रेल्वेत करिअरची सुरुवात करण्याची ही उत्तम संधी आहे. त्यामुळे इच्छुकांनी लवकरात लवकर अर्ज करावेत.

पोस्ट ऑफिस भरती

सध्या पोस्ट ऑफिसमध्ये नोकरी करण्याची सुवर्णसंधी तुमच्याकडे आहे. टेक्निकल सुपरवायजर पदासाठी ही भरती जाहीर करण्यात आली आहे. ज्या उमेदवारांनी मेकॅनिकल किंवा ऑटोमोबाईल इंजिनियरिंगमध्ये डिग्री किंवा डिप्लोमा केला असेल ते या नोकरीसाठी अर्ज करु शकतात. त्यामुळे इच्छुक उमेदवारांनी या नोकरीसाठीही अर्ज करावेत.