रेल्वेत नोकरी करायची अनेकांची इच्छा असते. परंतु अनेकांना रेल्वेच्या भरतीबाबत माहिती नसते. रेल्वे प्रशासन नेहमी वेगवेगळ्या पदांसाठी भरती जाहीर करते. यामध्ये अप्रेंटिसपासून ते लोको पायलट अशा अनेक पदांचा समावेश असतो. दरम्यान, आताही रेल्वेने भरती जाहीर केली आहे. रेल्वे रिक्रूटमेंट सेलने १७०० अप्रेंटिस पदासाठी भरती जाहीर केली आहे.

ज्या तरुणांना रेल्वेत नोकरी करण्याची इच्छा आहे. त्यांच्यासाठी ही उत्तम संधी आहे. या नोकरीसाठी अर्जप्रक्रिया सुरु करण्यात आली आहे. १८ सप्टेंबरपासून ही अर्जप्रक्रिया सुरु झाली आहे. दरम्यान, तुम्ही www.rrcpryj.org या वेबसाइटवर जाऊन अर्ज करु शकतात. या नोकरीसाठी अर्ज करण्याची शेवटची तारीख १७ ऑक्टोबर २०२५ आहे.

रेल्वेतील या भरती मोहिमेत एकूण १७६३ पदे भरती केली जाणार आहे. यामध्ये निवड झाल्यावर तुम्हाला ट्रेनिंग दिले जाणार आहे.या नोकरीसाठी १५ ते २४ वयोगटातील उमेदवार अर्ज करु शकता. राखीव प्रवर्गातील उमेदवारांना वयोमर्यादेत सूट मिळते.

या नोकरीसाठी अर्ज करणाऱ्या उमेदवारांनी १०वी पास असणे गरजेचे आहे. याचसोबत संबंधित ट्रेडमध्ये सर्टिफिकेट प्राप्त केलेले असावे. या नोकरीसाठी उमेदवारांनी निवड कोणत्याही परीक्षेशिवाय होणार आहे. यामध्ये निवड झाल्यावर कागदपत्रे पडताळणी केली जाणार आहे.

अर्ज कसा करावा?

या नोकरीसाठी अर्ज करताना सर्वात आधी https://examerp.com/registration/s_login_new.aspx वर जावे.

यानंतर अॅप्लिकेशन सेक्शनमधील न्यू रजिस्ट्रेशनवर क्लिक करा.

यानंतर तुमचे नाव, आधार नंबर, मोबाईल नंबर, ईमेल आयडी ही माहिती भरा.

यानंतर लॉग इन करा. त्यानंतर सर्व माहिती भरा.

फोटो, सही आणि कागदपत्रे अपलोड करा.त्यानंतर अर्जशुल्क भरा.

यानंतर अर्जाची प्रिंट आउट तुमच्याजवळ ठेवा.