सरकारी नोकरी करण्याची सुवर्णसंधी तरुणांकडे आहे. ऑइल इंडियामध्ये सध्या भरती जाहीर करण्यात आली आहे. ऑइल इंडियामध्ये ग्रेड ए,ग्रेड बी आणि ग्रेड सी पदांसाठी भरती जाहीर करण्यात आली आहे. १०० पेक्षा अधिक पदांसाठी ही भरती करण्यात येणार आहे. या नोकरीसाठी इच्छुकांनी लवकरात लवकर अर्ज करावेत. (Oil India Recruitment)

ऑइल इंडियामधील या नोकरीसाठी तुम्हाला ऑनलाइन पद्धतीने अर्ज करायचा आहे. तुम्हाला अधिकृत वेबसाइटवर जाऊन अर्ज करायचा आहे. या भरती मोहिमेत एकूण १०२ पदे भरती केली जाणार आहे. सुपरिटेंडेंट इंजिनियरसाठी ३ पदे रिक्त आहेत. सिनियर ऑफिसर पदांसाठी ९७ पदे रिक्त आहेत. तर कॉन्फेडिंशियल सेक्रेटरीसाठी १ जागा रिक्त आहे. हिंदी ऑफिसर या पदासाठीही १ जागा रिक्त आहे. त्यामुळे विविध पदांसाठी ही भरती केली जाणार आहे. इच्छुकांनी लवकरात लवकर अर्ज करावेत.

या पदांसाठी शैक्षणिक पात्रता वेगवेगळी असणार आहे. उमेदवारांकडे इंजिनियरिंग,फायनान्स,एचआर, आयटी, लॉ किंवा जिओलॉजीमध्ये बॅचलर किंवा मास्टर पदवी प्राप्त केलेली असावी. तसेच काही पदांसाठी आयसीएआय, आयसीएसआय, एमबीए किंवा पीजीडीएम डिग्री प्राप्त केलेली असावी.

या नोकरीसाठी ग्रेड सी पदांसाठी वयोमर्यादा ३७ वर्षे असावे. ग्रेड बी पदांसाठी ३४ वर्षे आणि ग्रेड ए पदांसाठी ४२ वर्षे वयोमर्यादा निश्चित करण्यात आली आहे. आरक्षित प्रवर्गातील उमेदवारांना वयोमर्यादेत सूट देण्यात आला आहे.

या नोकरीसाठी अर्ज करताना सामान्य प्रवर्गातील उमेदवारांना ५०० रुपये शुल्क द्यावे लागणार आहे. राखीव प्रवर्गातील उमेदवारांना कोणत्याही प्रकारचे शुल्क द्यावे लागणार नाही.

पगार (Salary)

ग्रेड ए पदांसाठी निवड झाल्यावर ५० हजार ते १.६ लाख रुपये पगार मिळणार आहे. ग्रेड बी पदांसाठी ६० हजार ते १.८ लाख रुपये पगार मिळणार आहे. ग्रेड सी पदांसाठी उमेदवारांनी ८० हजार ते २.२ लाख रुपये पगार मिळणार आहे. याचसोबत इतर भत्ते आणि सुविधादेखील मिळणार आहेत.या नोकरीसाठी उमेदवारांची निवड कॉम्प्युटर बेस्ड टेस्टद्वारे केली जाणार आहे.