मुंबईत चांगली नोकरी शोधत असाल तर ही बातमी खास तुमच्यासाठी. मुंबई मेट्रो रेल कॉर्पोरेशनमध्ये नोकरीची सुवर्णसंधी आहे. विविध पदांसाठी ही भरती करण्यात येणार आहे. या नोकरीसाठी तुम्हाला २ लाख रुपये पगार मिळणार आहे. या नोकरीबाबत मुंबई मेट्रोने नोटिफिकेशन जारी केले आहे.

मुंबई मेट्रोत सहाय्यक महाव्यवस्थापक, उप अभियंता आणि कनिष्ठ अभियंता ही पदे भरली जाणार आहे. या नोकरीसाठी अर्जप्रक्रिया २७ नोव्हेंबरपासून सुरु झाली आहे. अर्ज करण्याची शेवटची तारीख २८ डिसेंबर २०२४ आहे. (Mumbai Metro Recruitment)

या नोकरीसाठी तुम्ही mmrcl.com वर जाऊन अर्ज करु शकतात.मुंबई मेट्रोत सहाय्यक महाव्यवस्थापक (सिव्हिल) साठी १ जागा रिक्त आहे. ज्युनिअर इंजिनियर पदासाठी ५ जागा रिक्त आहे. ज्युनिअर सिव्हिल इंजिनियर पदासाठी १ जागा रिक्त आहे. एकूण ७ रिक्त पदांसाठी ही भरती केली जाणार आहे. (Mumbai Metro Recruitment 2024)

या नोकरीसाठी अर्ज करणाऱ्या उमेदवाराने सिव्हिल इंजिनियरिंगची पदवी प्राप्त केलेली असावी. ज्युनिअर असिस्टंट पदासाठी सिव्हिल इंजिनियर पदवी किंवा डिप्लोमा प्राप्त केलेला असावी. या नोकरीसाठी अर्ज करणाऱ्या उमेदवाराची कमाल वयोमर्यादा ३५ वर्षे असावी.

सहाय्यक महाव्यवस्थापक पदासाठी ८ लाखांचे सीटीसी पॅकेज मिळणार आहे. तर अभियंता पदासाठी ५-६ लाख रुपयांचे पॅकेज मिळणार आहे. या नोकरीसाठी तुम्हाला ३५ हजार ते २ लाख रुपये पगार मिळणार आहे. या नोकरीसाठी तुम्हाला कोणतीही परीक्षा द्यावी लागणार नाही. या नोकरीसाठी इच्छुक उमेदवारांनी २८ डिसेंबर २०२४ पूर्वी अर्ज करावेत.