हिंदुस्तान पेट्रोलियममध्ये सरकारी नोकरी करण्याची उत्तम संधी तुमच्याकडे आहे. हिंदुस्तान पेट्रोलियममध्ये ३७२ रिक्त पदांसाठी भरती जाहीर करण्यात आली आहे. ही भरती वेगवेगळ्या पदांसाठी केली जाणार आहे. फ्रेशर्सपासून ते अनुभवी प्रोफेशनलपर्यंत अनेकांसाठी ही भरती केली जाणार आहे.

हिंदुस्तान पेट्रोलियमने अधिकृत वेबसाइटवर अधिसूचना जाहीर केली आहे. यामध्ये त्यांनी सर्व माहिती दिलेली आहे. हिंदुस्तान पेट्रोलियममध्ये ज्युनिअर एक्झिक्युटिव्ह, मेकॅनिकल/इलेक्ट्रिकल / सिव्हिल / केमिकल इंजिनियर्स, लॉ ऑफिसर, सेफ्टी ऑफिसर, सिनियर ऑफिसर आणि मॅनेजर पदांसाठी ही भरती जाहीर करण्यात आली आहे.

या भरती मोहिमेत ३७२ पदे भरली जाणार आहे. १ जून ते ३० जून २०२५ पर्यंत तुम्ही अर्ज करु शकतात. या नोकरीसाठी शैक्षणिक पात्रता पदानुसार वेगवेगळी असणार आहे. या नोकरीसाठी अर्ज करणाऱ्या उमेदवाराने संबंधित क्षेत्रात डिप्लोमा, बी.टेक आणि लॉ डिग्री प्राप्त केलेली असावी.

हिंदुस्तान पेट्रोलियममधील या नोकरीसाठी तुम्ही www.hindustanpetroleum.com या वेबसाइटवर जाऊन अर्ज करु शकतात. या नोकरीसाठी उमेदवारांची निवड कॉम्प्युटर बेस्ड टेस्टद्वारे केली जाणार आहे.

हिंदुस्तान पेट्रोलियममधील फ्रेशर्ससाठी अर्ज करण्याची शेवटची तारीख ३० जून २०२५ आहे. तर अनुभवी उमेदवारांसाठी अर्ज करण्याची शेवटची तारीख १५ जुलै २०२५ आहे. अधिक माहितीसाठी तुम्ही वेबसाइटवर जाऊन अर्ज करु शकतात.

हिंदुस्तान पेट्रोलियममधील ही भरती वेगवेगळ्या ठिकाणी होणार आहे. फ्रेशर्ससाठी काही जागा राखीव आहेत तर काही जागा या अनुभवी उमेदवारांसाठी राखीव आहेत.त्यामुळे पदानुसार तुम्ही अर्ज करावेत. या नोकरीसाठी एक्झिक्युटिव्ह असिस्टंट, ज्युनिअर असिस्टंट पदासाठी ३०,००० ते १,२०,००० रुपये पगार मिळणार आहे. असिस्टंट ऑफिसर पदासाठी ४०,००० ते १,४०,००० रुपये पगार मिळणार आहे.इंजिनियर पदासाठी ५०,००० ते १,६०,००० रुपये पगार मिळणार आहे. असिस्टंट मॅनेजर पदासाठी ७०,००० ते २,००,००० रुपये पगार मिळणार आहे.डेप्युटी जनरल मॅनेजर पदासाठी १,२०,००० ते २,८०,००० रुपये पगार मिळणार आहे.