सरकारी नोकरीच्या शोधात असणाऱ्या तरुणांसाठी आनंदाची बातमी आहे. केंद्रिय माध्यमिक शिक्षक बोर्डात नोकरीची सुवर्णसंधी आहे. सीबीएसईमध्ये ज्युनिअर असिस्टंट आणि सुपरिटेंडेंट पदासाठी भरती सुरु आहे. या नोकरीसाठी इच्छुक उमेदवारांनी अधिकृत वेबसाइटवर जाऊन अर्ज करायचे आहे. (CBSE Recruitment 2025)

सीबीएसईच्या अधिकृत वेबसाइटवर म्हणजेच www.cbse.gov.in या वेबसाइटवर जाऊन तुम्ही ऑनलाइन पद्धतीने अर्ज करु शकतात. या नोकरीसाठी अर्ज करण्याची शेवटची तारीख ३१ जानेवारी २०२५ आहे. इच्छुक उमेदवारांनी लवकरात लवकर अर्ज करावेत.

सीबीएसईच्या या भरती मोहिमेत २१२ रिक्त पदे भरती केली जाणार आहे. त्यातील १४२ पदे ही सुपरिटेंडेंट पदासाठी रिक्त आहेत.त्यातील ७० पदे ही ज्युनिअर असिस्टंट पदासाठी आहे. (Government Job)

सुपरिटेंडेंट पदासाठी अर्ज करणाऱ्या उमेदवाराने कोणत्याही मान्यताप्राप्त विद्यापीठातून संबंधित विषयात पदवी प्राप्त केलेली असावी. ज्युनिअस असिस्टंट पदासाठी अर्ज करणाऱ्या उमेदवाराने १२वी पास केलेली असावी. या नोकरीसाठी अर्ज करणाऱ्या उमेदवाराला इंग्रजी आणि हिंदी टायपिंग येणे गरजेचे आहे.

ज्युनिअर असिस्टंट पदासाठी अर्ज करणाऱ्या उमेदवाराचे वय १८ ते २७ वर्षे असावे. तर सुपरिटेंडेंट पदासाठी अर्ज करणाऱ्या उमेदवाराचे वय १८ ते ३० वर्षे असावे.आरक्षित प्रवर्गातील उमेदवारांना वयोमर्यादेत सूट देण्यात आली आहे.

या नोकरीसाठी अर्ज करताना सामान्य प्रवर्गातील उमेदवारांना ८०० रुपये शुल्क भरावे लागणार आहे. तर राखीव प्रवर्गातील आणि महिला उमेदवारांना कोणतेही शुल्क भरायची गरज नाही.

अर्ज कसा करावा?

या नोकरीसाठी अर्ज करण्यासाठी सर्वप्रथम www.cbse.gov.in या साइटवर जावे.

त्यानंतर Recruitment सेक्शनवर जाऊन संबंधित पदाच्या अर्जावर क्लिक करा.

यानंतर रजिस्ट्रेशन प्रक्रिया पूर्ण करुन लॉग इन करावे.

यानंतर आवश्यक कागदपत्रे, सही आणि फोटो अपलोड करावे.

त्यानंतर अर्ज शुल्क भरावे आणि फॉर्म सबमिट करावा.