ॲपल (Apple) ही एक अमेरिकन बहुराष्ट्रीय कंपनी आहे. सध्याच्या डिजीटल युगात ॲपल ब्रँड खूप चालतोय. हा ब्रँड इतका चालण्याचं मुख्य कारण म्हणजे कंपनीच्या जाहीरातींची रणनीती. कंपनी किती लोकांपर्यत पोहोचते? कंपनीची उत्पादनं किती लोकांना माहित आहेत? हे काम कंपनीचे कर्मचारी करत असतात. त्यामुळे कर्मचार्यांची संख्या कंपनीला जास्त प्रमाणात लागते.

२०२० मध्ये केंद्राने पी एल आय ही योजना आणली. ही योजना स्मार्टफोनशी संबधीत आहे. तेव्हा ॲपलने १,६५,००० इतक्या मोठ्यासंख्येसाठी नोकऱ्यांची सोय केली होती. तसचं या वर्षाच्या अखेर पर्यंत सहा लाख नविन रोजगाराच्या संधी उपलब्ध केल्या जाण्याचा अंदाज जागतिक स्मार्टफोन निर्माती कंपनी 'ॲपल' केला आहे. यामुळे चिनी उत्पादनांचा वापर कमी होण्याची शक्यता आहे. हा प्रयत्न भारतासाठी हिताचाही ठरु शकतो. येणाऱ्या मार्च या महिन्यात दोन लाख लोकांना नोकऱ्या मिळू शकतात.

ॲपलने आणखी एक अंदाज व्यक्त केला तो म्हणजे या नोकऱ्यांमध्ये ७०टक्के महिलांचाच समावेश होणार आहे. यामुळे महिलांनी याचा पुरेपूर फायदा घ्यायला हरकत नाही. या आधी ॲपलच्या भारतात असलेल्या तीन कंत्राटी उत्पादक कंपन्यांनी ८०,८७२ नागरिकांना नोकऱ्या दिल्या. त्या कंपन्या म्हणजे फॉक्सकॉन, विस्ट्रॉन आणि पेगाट्रॉन. त्याचबरोबर भारतातल्या टाटा समुह, सालकॉम्प, मदरसन, सनवोडा,एटीएल आणि जबिल या मोठ्या कंपन्यांनी ८४,००० नोकऱ्या नागरिकांना दिल्या होत्या.या मोठ्या कंपन्यांमध्ये तुम्हाला योग्य कामाच्या पातळी नोकऱ्या मिळू शकतात.