१० वी आणि १२ वी पास तरुणांसाठी नोकरीची सुवर्णसंधी आहे. एअरपोर्ट ऑथोरिटी ऑफ इंडियामध्ये सध्या भरती सुरु आहे. एअरपोर्ट ऑथोरिटीमध्ये ज्युनिअर असिस्टंट (फायर सर्व्हिस) पदासाठी भरती करण्यात येणार आहे. या नोकरीबाबत अधिसूचना जाहीर केली आहे. या नोकरीसाठी भरती प्रक्रिया ३० डिसेंबरपासून सुरु होणार आहे. (Airport Authority Of india)

एअरपोर्ट ऑथोरिटी ऑफ इंडियामधील या नोकरीसाठी अर्ज करण्याची शेवटची तारीख २८ जानेवारी २०२५ आहे. इच्छुक उमेदवारांनी लवकरात लवकर अर्ज करावेत.

एअरपोर्ट ऑथोरिटी ऑफ इंडियामध्ये ८९ रिक्त पदांसाठी भरती सुरु आहे. यातील ४५ जागा या सामान्य प्रवर्गासाठी आहे इतर जागा राखीव प्रवर्गासाठी आहे. ज्युनिअर असिस्टंट पदासाठी अर्ज करणाऱ्या उमेदवारांनी १० वी पास असणे गरजेचे आहे. तसेच मॅकेनिकल/ऑटोमोबाईल आणि फायरमध्ये डिप्लोमा केलेला असावा. या नोकरीसाठी १२ वी पास उमेदवारदेखील अर्ज करु शकतात. याबाबत सविस्तर माहिती अधिकृत वेबसाइटवर देण्यात आली आहे.

या नोकरीसाठी १८ ते ३० वयोगटातील उमेदवार अर्ज करु शकतात. या नोकरीसाठी निवड झालेल्या उमेदवारांना ३१००० ते ९२००० रुपये पगार मिळणार आहे. या नोकरीसाठी उमेदवारांची निवड परिक्षेद्वारे केली जाणार आहे.

नाबार्डमध्ये भरती

सध्या नाबार्डमध्ये नोकरी करण्याचीदेखील सुवर्णसंधी तुमच्याकडे आहे. नाबार्डमध्ये सध्या स्पेशलिस्ट पदासाठी भरती सुरु आहे. या नोकरीसाठी अर्ज करण्याची शेवटची तारीख ५ जानेवारी २०२५ आहे. या नोकरीसाठी तुम्हाला ऑनलाइन पद्धतीने अर्ज करायचा आहे.