Uttar Pradesh News :

बदलत्या जीवनशैलीमुळे तरुणांमध्ये हार्ट अटॅकचं म्हणजे हृदयविकाराच्या झटक्याचं प्रमाण वाढत आहे. गाझियाबादमध्ये हृदयविकाराच्या झटक्याने १९ वर्षीय तरुणाचा मृत्यू झाल्याची घटना समोर आली आहे. घटनेचा मन सुन्न करणारा व्हिडीओ देखील समोर आला आहे.

सिद्धार्थ कुमार असं मृत तरुणाचं नाव आहे. सिद्धार्थ खोडा परिसरातील एका जिममध्ये ट्रेड मिलवर धावत असतानाचा त्याला हृदयविकाराचा झटका आला.

ट्रेड मिलवर धावत असताना सिद्धार्थची प्रकृती अचानक बिघडली. त्यानंतर तो ट्रेडमिलवरच खाली पडला. सिद्धार्थ खाली पडल्याचं पाहून जीममधील काही जण त्याच्या मदतीला धावून आले. (Viral VIdeo)

मूळचा बिहारमधील सिवान जिल्ह्यातील सिद्धार्थ कुमार वडिलांसोबत खोडा येथे राहत होता. सिद्धार्थने यावर्षी पदवीला प्रवेश घेतला होता. (Latest News Update)

सिद्धार्थ गेल्या सहा महिन्यांपासून खोडा येथील या जीममध्ये जात होता. शनिवारी सकाळी 11.10 वाजता तो जीमला गेलो. ट्रेडमिलवर धावत होता आणि अचानक खाली पडला. जीममधील इतर दोन तरुण सिद्धार्थच्या मदतीला धावून आले.

दोघांनी सिद्धार्थला उचलून तातडीने खासगी रुग्णालयात नेले. तिथे डॉक्टरांना त्याला मृत घोषित केले. सध्या या घटनेचा व्हिडीओ सोशल मीडियावर मोठ्या प्रमाणात व्हायरल होत आहे.