तेलंगनामध्ये एक हृदयद्रावक घटना घडली आहे. कामारेड्डी गावात एका तरुणाचा विजेचा झटका लागल्याने मृत्यू झाला आहे. हा तरुण स्वत:चा मोबाईल फोन चार्ज करत होता. त्यावेळी त्याला विजेचा जोरदार झटका बसला आणि जागीच त्याचा मृत्यू झाला. सदर घटनेमुळे परिसरातून हळहळ व्यक्त केली आहे.

मिळालेल्या अधिक माहितीनुसार, अनिल मलोथ असं मृत तरुणाचं नाव आहे. तो फक्त २३ वर्षांचा होता. कामारेड्डी गावातील सदाशिवनगर मंडल याचारम येथे राहत होता. शुक्रवारी रात्री ही धक्कादायक घडना घडली. तरुण झोपलेला असताना त्याला फोन चार्जींगला लावायचा होता. मात्र प्लग त्याच्यापासून दूर होता. त्यामुळे त्याने बेड चार्जिंग बोर्ड जवळ ठेवला आणि फोन चार्जिंगला लावला.

फोन चार्जिंगला लावून त्याने वायर आपल्या उशी खाली ठेवली आणि तो झोपला. रात्री फोन चार्च होत असताना त्याचा हात अचानक वायरला लागला आणि त्याला जोरदार करंट बसला. यामुळे तरुणाचा जागीच मरण आले. तरुणाला करंट लागल्याचे समजताच त्याच्या कुटुंबियांनी जवळच्या रुग्णालयात धाव घेतली. मात्र तेथून त्याला सरकारी रुग्णालयात घेऊन जाण्याचा सल्ला दिला. तेथे गेल्यावर डॉक्टरांनी त्याला मृत घोषीत केलं.

तरुणांचे मोबाईल फोन वापरण्याचे प्रमाण दिवसेंदिवस वाढले आहे. त्यामुळे फोनचा करंट लागण्याच्या घटना देखील वाढल्या आहेत. मोबाईल फोन, ब्लुटूथ, हेडफोन अशा उपकरणांचा वापर करताना योग्य ती काळजी घेतली पाहिजे. फोनचा वापर कमी वेळ केला पाहिजे. चार्जिंग करताना फोन जवळ ठेवू नये. हेडफोन आर्धा तासाच्या वर वापरू नयेत. कामात त्याचा वापर करावा लागत असेल तर आर्ध्या तासाने ब्रेक घ्यावा.