Electric Shock : महावितरणच्या कंत्राटी यंत्र चालकाचा विजेचा झटका लागल्याने मृत्यू

धुळे  : म्हसदी (ता. धुळे) येथील वीज उपकेंद्रातील कंत्राटी यंत्रचालकाचे विजेच्या धक्क्याने निधन झाले. २६ जानेवारीला (Dhule) उशिरा उपकेंद्रात काम करत असताना विजेचा धक्का बसल्याने मृत्यू (Death) झाला. (Maharashtra News)

देऊर खुर्द (ता. धुळे) येथील सनी ऊर्फ खेमचंद संजय देसले (वय २१) कंत्राटी वीज यंत्रचालक म्हणून (Mahavitaran) कार्यरत होते. दरम्यान २६ जानेवारीला रात्री उशिरा उपकेंद्रात काम करत असताना त्यांना विजेचा धक्का (Electric Shock) बसला. यानंतर सोबतच्या कर्मचाऱ्यांनी त्यांना येथील प्राथमिक आरोग्य केंद्रात उपचारासाठी दाखल केले. पुढील उपचारार्थ धुळे येथील जिल्हा रुग्णालयात हलविण्यात आले. मात्र उपचारादरम्यान त्यांचा मृत्यू झाला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मनमिळाऊ स्वभावाने परिसरात ओळख 
खेमचंद (सनी)ची गावासह परिसरात वेगळी ओळख होती. अतिशय मनमिळाऊ, हळव्या, प्रेमळ सनीच्या दुर्दैवी घटनेमुळे म्हसदीसह परिसरात हळहळ व्यक्त झाली. त्याच्या मागे आई, वडील, भाऊ, बहीण असा परिवार आहे. देऊर खुर्द येथील शेतकरी संजय दौलत देसले यांचे ते पुत्र होत.