Bengaluru Viral Video : सेल म्हटलं की, सर्वांच्याच आकर्षणाचा विषय असतो. सेलमध्ये स्वस्त:त वस्तू खरेदी करण्यासाठी नागरिकांची एकच झुंबड उडते. महिलांसाठी साडी म्हणजे जीव की प्राण. महिला साडी रोज नेसत नसल्यातरी साड्यांच्या सेलमध्ये हमखास तुटून पडतात. अशात आता याच साड्याच्या सेलमधील एक भन्नाट व्हिडिओ समोर आला आहे. हा व्हिडिओ पाहून तुम्हीही पोट दुखेपर्यंत हसाल. (Saree Shope)

बंगळूरु येथील एका साड्यांच्या दुकानात मोठा सेल असल्याने सर्व महिला येथे तुटून पडल्या. सेल म्हटल्यावर एकच गोष्ट दोन व्यक्तींना आवडणे हे सहाजीक आहे. अशाच साड्यांच्या एक सेलमध्ये दोन महिलांना एकच साडी आवडली आणि त्या दोघी एकमेकींवर तुटून पडल्या. महिलांच्या हाणामारीचा व्हिडिओ एका व्यक्तीने रेकॉर्ड केला आहे. हा व्हिडिओ आता सोशल मीडियावर जोरदार व्हायरल होत आहे.

व्हिडिओमध्ये दिसत आहे की, साड्यांचा मोठा सेल लागला आहे. एकाच दुकानात ठिकठीकाणी साड्यांचा गठ्ठा ठेवण्यात आला आहे. या साड्यांची खरेदी करण्यासाठी महिलांची देखील मोठी गर्दी जमा झाली आहे. अशात एवढ्या गर्दीत नविडून सगळ्यात चांगली साडी शोधायची म्हणजे कठीणच काम आहे.

यात दोन महिलांना एकच साडी आवडली. या साडीवरून त्या दोघींमध्ये आधी वाद झाला. हा वादनंतर वाढतच गेला. यावेळी दुकानमालकाने महिलांना शांत करण्याचा प्रयत्न केला. मात्र दोघीही एकमेकींशी कचाकच भांडत राहिल्या. काही वेळाने या भांडणाचे रुपांतर हाणामारीत झाले. या हाणामारीत दोघींनी एकमेकींच्या झिंज्या ओढल्या आहेत.