Uttar Pradesh News :

यूपीच्या ग्रेटर नोएडामध्ये एका महिलेने सोसायटीच्या गार्डसह तीन जणांच्या अंगावर कार घातली. या अपघातात तिघेही जखमी झाले. यावेळी घटनास्थळी बघ्यांची गर्दी जमली होती. लोकांनी घटनेचा जाब विचारला त्यावेळी महिला आणि तिच्या मुलीने लोकांशी गैरवर्तन करण्यास सुरुवात केली. तिन्ही जखमींना उपचारासाठी रुग्णालयात नेत असताना महिलेने गोंधळ घालण्यास सुरुवात केली.

अपघातानंतरचा संपूर्ण व्हिडीओ तेथे बसवण्यात आलेल्या सीसीटीव्ही कॅमेऱ्यात कैद झाला आहे. काळ्या रंगाची होंडा सिटी कार सोसायटीच्या गेटवर येते आणि समोरून आत येण्याऐवजी गार्ड रूमच्या दिशेने वळल्याचे व्हिडीओमध्ये स्पष्टपणे दिसत आहे.

मंगळवारी दुपारी झालेल्या या अपघातात गेटवर बसलेले सुरक्षा रक्षक, डिलिव्हरी बॉय आणि आणखी एकजण जखमी झाला आहे. तिन्ही जखमींना तेथे उपस्थित लोकांनी रुग्णालयात दाखल केले आहे. त्याचवेळी गाडीतून खाली उतरलेल्या महिलेने आपली चूक मान्य न करता गोंधळ घालण्यास सुरुवात केली. (Latest Marathi News)

उपस्थित लोकांनी महिलेला जखमींना उपचारासाठी रुग्णालयात नेण्यास सांगितले. यावर महिलेने गैरवर्तन करण्यास सुरुवात केली. उलट ती लोकांवर ओरडू लागली. जखमींची एवढी काळजी असेल तर तुम्ही त्यांना उपचारासाठी घेऊन जा. माहितीनुसार, तिघेही किरकोळ जखमी झाले आहेत.या महिला आणि तिच्या मुलीचा भांडणाचा व्हिडीओ सोशल मीडियावर व्हायरल होत आहे.

या प्रकरणी एफआयआर नोंदवून कारवाई करण्यात येत आहे , असं पोलिसांचे म्हणणे आहे. वाहन जप्त करून पोलीस ठाण्यात आणण्यात आले असून एफआयआर नोंदवून कारवाई करण्यात येत आहे. (Maharashtra News)