वृत्तसंस्था: बिअरचा कॅन ५२ रुपयांना आणि रमची बाटली ३५० रुपयांना? महागाईने सर्वांचे कंबरडे मोडले असताना , गुजरातमधील (Gujarat) राज्यात दारूच्या (liquor) किंमती वाढलेल्या नाहीत. तुम्ही चिअर्स म्हणण्यापूर्वी, ही वाइनची बाजारातील किंमत नाही. तर, गेल्या २० वर्षांत सरकारने कागदावरच्या दारूचे दर बदलले नसल्यामुळे राज्यातील पोलिसांच्या (police) नोंदीतील ही किंमत आहे.

गांधीनगरमध्ये नुकत्याच झालेल्या जप्तीमध्ये, एफआयआरमध्ये (FIR) नोंदवलेल्या ब्रँडेड व्हिस्कीच्या ३ बाटल्यांची किंमत फक्त ११२५ रुपये किंवा ७५० मिलीच्या बाटलीची किंमत ३७५ रुपये होती. मात्र, परमिट दुकानांमध्ये या व्हिस्कीचा भाव सध्या ५४० ते ६०० रुपये प्रति बाटली आहे. राज्याच्या उत्पादन शुल्क व दारूबंदी विभागाने २८ डिसेंबर २०२२ दिवशी जारी केलेल्या अधिसूचनेचे पालन करत पोलीस विभाग कारवाई करत आहे. यामुळे मद्यविक्रीत घट झाली आहे.

हे देखील पाहा-

2002 नुसार रेकॉर्डिंग किंमत

अधिसूचनेनुसार, भारतीय बनावटीच्या विदेशी मद्य (IMFL) आणि आयात केलेल्या दारूच्या विविध ब्रँडची किंमत ५२ ते ८५० रुपयांच्या दरम्यान आहे. या ब्रँड्सनी गेल्या काही वर्षांत बाजार दरात मोठी वाढ नोंदवली आहे. त्यांची किंमत आता १९० ते 1१९०० रुपयांपर्यंत आहे. पोलिसांच्या माहितीनुसार, देशी दारूची किंमतही गेल्या २० वर्षांपासून २० रुपये प्रति लिटरवर स्थिर आहे. मात्र, सध्या राज्याच्या विविध भागात ५० ते ८० रुपये प्रतिलिटर दर आहे.

सूत्रांनी दिलेल्या माहितीनुसार की, यापूर्वी IMFL, आयात केलेली दारू आणि देशी दारूचे दर ३-४ वर्षांनी सुधारले जात होते. एका वरिष्ठ पोलीस अधिकाऱ्याने सांगितले आहे की, छाप्याच्या दरम्यान जप्त केलेल्या साठ्याचे मूल्यमापन करण्यासाठी हे दर वापरण्यात आले. १९९९ नंतर २००२ मध्ये दारूच्या दराबाबत आदेश काढण्यात आला. त्यानंतर कोणतीही सुधारणा झाली नाही. परिणामी, २० वर्षांपूर्वी निश्चित केलेल्या किंमतींच्या आधारे पोलीस जप्त केलेल्या साठ्याची तुलना करत असतात.

किंमतीत बदल नाही

डीजीपी आशिष भाटिया यांनी दिलेल्या माहितीनुसार की अलिकडच्या वर्षांत दारूच्या किंमती बदल्या गेल्या नाहीत. भाटिया म्हणाले की, नुकताच दर सुधारण्याचा प्रस्ताव आला आहे. राज्य संनियंत्रण कक्ष लवकरच असे करणार आहे.

Edited By- Digambar Jadhav