Who will be Karnataka CM
Who will be Karnataka CM Saam TV
देश विदेश

Who will be Karnataka CM : सिद्धरामय्या की शिवकुमार! विधीमंडळ पक्षाची आज बैठक, कोणाच्या नावावर होणार शिक्कामोर्तब

Satish Kengar

Karnataka New CM: कर्नाटक विधानसभा निवडणुकीत काँग्रेसच्या दणदणीत विजयानंतर राज्याचा पुढचा मुख्यमंत्री कोण होणार यावर चर्चा सुरू झाली आहे. माजी मुख्यमंत्री सिद्धरामय्या आणि प्रदेशाध्यक्ष डीके शिवकुमार हे मुख्यमंत्रीपदाच्या शर्यतीत आहेत.

मुख्यमंत्री निवडीसाठी आज कर्नाटकमध्ये विधानसभा पक्षाची बैठकही होणार आहे. काँग्रेसचे अध्यक्ष मल्लिकार्जुन खर्गे यांनी माजी मुख्यमंत्री सुशीलकुमार शिंदे, पक्षाचे नेते जितेंद्र सिंह आणि दीपक बाबरिया यांची कर्नाटकातील काँग्रेस विधिमंडळ पक्षाच्या (CLP) नेत्याची निवड करण्यासाठी निरीक्षक म्हणून नियुक्ती केली आहे.

काँग्रेसचे सरचिटणीस के सी वेणुगोपाल यांनी माहिती दिली की, सीएलपी बैठकीचे निरीक्षण केंद्रीय पर्यवेक्षण करतील. त्यांनी ट्वीट केले आहे की, "आदरणीय काँग्रेस अध्यक्षांनी सुशील कुमार शिंदे (माजी मुख्यमंत्री, महाराष्ट्र), जितेंद्र सिंह (पक्ष सरचिटणीस) आणि दीपक बाबरिया (माजी सरचिटणीस) यांची विधिमंडळ पक्षनेत्याच्या निवडीसाठी निरीक्षक म्हणून नियुक्ती केली आहे." (Latest Marathi News)

भारतीय जनता पक्षाचा एकमेव दक्षिणेकडील बालेकिल्ला असलेल्या कर्नाटकमध्ये मोठा प्रभाव झाला आहे. यातच आज कर्नाटकमध्ये मोठा विजय मिळवलेल्या काँग्रेस विधिमंडळ पक्षाची संध्याकाळी महत्त्वाची बैठक होणार असून, त्यामध्ये नेत्याच्या निवडीबाबत निर्णय घेतला जाणार आहे.

135 जागांवर काँग्रेसचा विजय

कर्नाटक विधानसभा निवडणुकीत काँग्रेसने राज्याच्या विविध क्षेत्रांमध्ये आपल्या मतांच्या टक्केवारीत चार टक्क्यांहून अधिक वाढ केली. काँग्रेसने 135 जागांवर विजय मिळवला. 224 सदस्यीय कर्नाटक विधानसभेसाठी शनिवारी झालेल्या मतमोजणीत काँग्रेसने सरकार स्थापनेसाठी आवश्यक असलेल्या 113 जागा मिळवल्या आहेत.

निवडणूक आयोगाच्या आकडेवारीनुसार, काँग्रेसच्या मतांमध्ये चार टक्क्यांनी वाढ झाली आहे, तर जनता दलाच्या (सेक्युलर) मतांमध्ये पाच टक्क्यांहून अधिक घट झाली आहे. 2018 च्या कर्नाटक विधानसभा निवडणुकीत, काँग्रेसला 38.04 टक्के मते मिळाली. त्यानंतर भारतीय जनता पक्ष (BJP) 36.22 टक्के आणि JD (S) 18.36 टक्के मते मिळवली होती.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Sambhajinagar News : छत्रपती संभाजीनगर शहरातील ९० टक्के होर्डिंग धोकादायक; मनपाने दिलेल्या नोटीसला एजन्सीचा ठेंगा

White Hair Solution : कोळशासारखे काळेभोर केस हवेत? 'या'टीप्स फॉलो करा

Maharashtra Politics : चंद्रशेखर बावनकुळे यांनी घेतली राज ठाकरेंची भेट; तब्बल सव्वा तासांच्या भेटीत काय चर्चा झाली?

Women Health: महिलांनी निरोगी राहण्यासाठी काय काळजी घ्यावी?

Nandurbar News : नंदुरबारला वादळी तडाखा; नर्मदा काठावरील शाळेचे उडाले पत्रे, घरांचीही पडझड 

SCROLL FOR NEXT