आपल्या भाषणादरम्यान, जो बायडेन यांनी रशियावर आर्थिक निर्बंधांची घोषणा केली आहे. त्यांनी पुतिन यांच्या युद्धाच्या निर्णयाचा निषेध केला आहे. त्याचबरोबर त्यांनी युक्रेनबद्दल पूर्ण बांधिलकी व्यक्त केली आहे. बायडेन म्हणाले की, अनेक देश युक्रेनच्या समर्थनार्थ पुढे आले आहेत. बायडेन यांच्या भाषणावेळी युक्रेनचे राजदूतही उपस्थित होते. अमेरिकेचे राष्ट्राध्यक्ष म्हणाले की, रशियाची अर्थव्यवस्था उद्ध्वस्त झाली आहे. अमेरिका युक्रेनच्या पाठीशी आहे. रशियाविरुद्ध जो बायडन यांनी निर्बंध अधिक कडक केले आहेत. बायडन म्हणाले की, रशियन विमाने आमचे हवाई क्षेत्रातून उड्डाण घेणार नाहीत.

बायडेन म्हणाले की अमेरिका आणि नाटो युक्रेनला 1 अब्ज डॉलरची आर्थिक मदत देत आहेत. आमचे सैन्य युक्रेनमध्ये थेट हस्तक्षेप करणार नाही. याशिवाय आम्ही युक्रेनला सर्वतोपरी मदत करू. जेथे रशियाचा धोका आहे तेथे नाटोचे सैन्य तैनात करण्यात आले आहे. पुतिन हे जगात एकाकी पडले आहेत.

हे देखील पहा -

पुढे बायडेन म्हणाले की, व्लादिमीर पुतीन यांना युक्रेन इतके कठीण आव्हान उभे करेल याची कल्पना नव्हती. अमेरिकेने रशियन उड्डाणांसाठी आपली हवाई हद्द बंद करण्याची घोषणा केली आहे. ६ दिवसांपूर्वी रशियाने युक्रेनविरुद्ध चुकीचे पाऊल उचलले आहे. अत्याचारावर स्वातंत्र्याचा विजय होईल. युक्रेनविरुद्धच्या आक्रमकतेची किंमत रशियाला चुकवावी लागेल.

जो बायडेन यांनी आपल्या भाषणात रशियाचे अध्यक्ष व्लादिमीर पुतिन यांना हुकूमशहा म्हटले. बायडेन यांनी जाहीर केले की अमेरिका युक्रेनच्या प्रत्येक जमिनीचे रक्षण करणार असल्याते आश्वासन दिले आहे, तसेच हुकूमशहांना किंमत मोजावी लागते. आमचे सैन्य युक्रेनमध्ये जाणार नाही. युक्रेनवर हल्ला करून रशिया कमकुवत होईल. संयुक्त राष्ट्रांची ताकद जगभरातील लोकांना दिसेल. रशियाच्या खोट्या वागण्याच आम्ही सत्याने सामना केला आहे. जगभरात लोकशाहीचा उदय होत आहे.

अमेरिकन संसदेत बायडेन म्हणाले की जर रशियन सैन्याने पश्चिमेकडे सरकले तर त्यांना चोख प्रत्युत्तर मिळेल. आम्ही युक्रेनच्या लोकांच्या पाठीशी उभे आहोत. पुतिन यांनी युक्रेनवर जाणीवपूर्वक हल्ला केला आहे. पुतीन यांना कोणताही देश हिसकावू देणार नाही. लोकशाही आणि हुकूमशाही यांच्यातील हे युद्ध आहे.