लखनऊ - भारतातील लहान मुलांना सुद्धा राष्ट्रीय प्रतीकांची खूप जाणीव आहे. पण एखादा लोकप्रतिनिधीच देशाच्या अभिमानाच्या गोष्टी विसरला तर तुम? अनेकदा १५ ऑगस्ट आणि २६ जानेवारीला असे प्रकार समोर येतात. यावेळी अशीच काहीशी घटना मुरादाबादचे Muradabad सपा खासदार डॉ.एस.टी. हसन S.T. Hassan यांच्यासोबत घडली आहे.

हे देखील पहा -

काल १५ ऑगस्ट रोजी ध्वज फडकावल्या नंतर डॉ.एस.टी. हसन  चक्क राष्ट्रगीतच विसरले. खासदाराने ध्वज फडकवताच तिथे उपस्तिथ असलेल्या नागरिकांनी राष्ट्रगीत म्हणायला सुरुवात केली, पण डॉ.एस.टी. हसन हे मात्र राष्ट्रगीत विसरले जेव्हा ते दुसऱ्या ओळीवर अडकले तेव्हा त्यांनी इकडे तिकडे पाहण्यास सुरुवात केली.

या घटनेचा व्हिडिओ सोशल मीडियावर तुफान व्हायरल झाला आहे. ते देखील काही वेळासाठी अस्वस्थ झाले आणि त्यांनी हळूहळू जय हे जय हे म्हणायला सुरुवात केली. मग बाकीच्या नागरिकांनी देखील सरळ शेवटच्या ओळीवर गेले आणि कार्यक्रम संपवून निघून गेले. हसन आपल्या विधानांमुळे नेहमीच चर्चेत असतात.

याआधी त्यांनी राम मंदिराबाबतही वादग्रस्त विधान केले होते. मात्र, खासदारासोबत झालेल्या या घटनेची लोकांनी अक्षरशः  खिल्ली उडवली. जेव्हा खासदार किंवा देश चालवणारे लोकच राष्ट्रगीत विसरतील तेव्हा इतरांपर्यंत काय संदेश पोहोचेल आणि यासोबतच हा राष्ट्रगीताचा अपमान असल्याची प्रतिक्रिया आता उमटू लागली आहे.

Edited By - Shivani Tichkule