आपण लहानपणी अनेकवेळा भूताच्या कथा आजीकडून ऐकल्या असतील त्याचबरोबर भयानक अशा भूतकथेवर आधारित चित्रपटही पाहिले असतील. मात्र तुम्ही प्रत्यक्षात कधी 'भूत' पाहिले आहे का? आता सोशल मीडियावर तुमच्या काळजाचा थरकाप उडवणारा व्हिडिओ व्हायरल होत आहे. मिडिया रिपोर्ट्सनुसार, ही घटना कोलंबियामधील आहे. जिममध्ये एका तरुणाबरोबर एक विचित्र घटना घडली. खरं तर, तो तरुण व्यायामशाळेत व्यायाम करत होता. तेव्हा अचानक जिममधील व्यायामाचे साहित्य हालू लागले. त्या नंतर काही वेळातच एका अदृश्य शक्तीने त्या तरुणाला प्रथम जमिनीवर पाडले नंतर त्याचा पाय पकडला त्यावेळी मात्र त्या तरुणाने जीव वाचविण्यासाठी आकांत करु लागला. आणि हाच त्याचा आकांत व्हिडिओ रेकॉर्ड झाला.

खरं तर, टिकटॉकवर शेअर केलेल्या व्हिडिओला 11 दशलक्षांहून अधिक व्ह्यूज मिळाले आहेत. आता वापरकर्ते ते सोशल मीडियाच्या अनेक प्लॅटफॉर्मवर हा व्हिडिओ शेअर केला. जेव्हा तिने आपल्या स्वत:च्या आकाऊंटवरुन हा व्हिडिओ शेअर केला तेव्हा अनेक नेटकऱ्यांना त्यावर विश्वास नाही बसला.

हा व्हिडिओ दिवसाचा आहे. क्लिपमध्ये हे स्पष्टपणे पाहिले जाऊ शकते की, तो व्यक्ती जिममध्ये एकटाच आहे. तो व्यायाम करण्यासाठी आरशासमोर जातो. मग त्याची नजर जमिनीवर ठेवलेल्या एका काळ्या बॉलवर पडते, जो त्याच्या दिशेने जाऊ लागतो. ते पाहून तो प्रचंड घाबरून तो आपले सामान उचलून तिथून बाहेर पडण्याचा प्रयत्न करतो. पण अचानक काही अदृश्य शक्ती त्याला जमिनीवर पडते आणि त्याचा एक पाय पकडते. आणि त्याला थोडा वेळ खेचते. त्या नंतर तो कसा तरी उभा राहतो आणि आपले सामान सोडून पळून जातो.

Edited By-Sanika Gade