माता वैष्णो देवो कटरा ते बनिहालदरम्यानच्या 111 किलोमीटर लांबीच्या नव्या ब्रॉडगेज रेल्वेमार्गावर आता गाड्या ताशी 100 किलोमीटरच्या वेगाने धावू शकणार आहेत. रेल्वे मंत्रालयाने या रेल्वेमार्गावरील गाड्यांचा वेग वाढवून 100 किमी प्रतितास करण्यास मंजूरी दिली आहे, त्यामुळे प्रवाशांचा प्रवासाचा वेळ कमी होणार असून जम्मू काश्मीरमधील रेल्वेच जाळ आणखी मजबूत होणार आहे. याआधी माता वैष्णो देवी कटरा-संगलदान रेल्वेमार्गावर गाड्यांची जास्तीत जास्त वेगाची मर्यादा ८५ किलोमीटर तर संगलदान-बनिहाल मार्गावर ताशी 75 किलोमीटर इतका होता. रेल्वे प्रशासनाने सर्व सुरक्षा आणि आवश्यक अटींचे पालन सुनिश्चित केल्यानंतर ट्रेनचा स्पीड वाढवण्याचा निर्णय घेतला आहे.
जम्मूचे वरिष्ठ विभागीय वाणिज्यिक व्यवस्थापक उचित सिंघल यांनी सांगितले की, गाड्यांचा वेग वाढल्याने प्रवासाचा वेळ कमी होण्याबरोबरच जम्मू काश्मीरची होईल तसेच जम्मू काश्मीरची कनेक्टीव्हिटी अधिक मजबूत होईल. प्रवाशांना जलद, सुरक्षित आणि अधिक आरामदायी रेल्वे सुविधा मिळेल. या रेल्वेच्या जाळ्यामुळे दोन्ही भागांमधील पर्यटन, व्यापार आणि आर्थिक व्यवहारांनाही चालना मिळण्याची अपेक्षा आहे. प्रवाशांची सुरक्षा आणि सुविधा यांना सर्वोच्च प्राधान्य देत रेल्वे सातत्याने सुविधा सुधारण्यासाठी प्रयत्नशील असल्याचेही त्यांनी सांगितले. कटरा-बनिहाल रेल्वेमार्गावरील स्पीड वाढल्याने या दोन्ही प्रमुख स्थानकांमधील प्रवास आता आणि जलद आणि सोयीस्कर होणार आहे.
काश्मीरपर्यंत वंदे भारत एक्स्प्रेस धावण्याचे स्वप्न फेब्रुवारी 2025 मध्ये साकार झाले. जम्मू तवी ते श्रीनगरदरम्यान धावणारी वंदे भारत एक्स्प्रेस सुमारे 269 किलोमीटरचे अंतर 4 तास 50 मिनिटांत पार करते. ही आधुनिक ट्रेन चिनाब पूल आणि अंजी खड्ड पुलासारख्या उंच आणि महत्त्वाच्या पुलांवरून धावते. वंदे भारत एक्स्प्रेस (26401) ही ट्रेन मंगळवार वगळता दररोज धावते. जम्मू तवी रेल्वे स्थानकावरून सकाळी 6.20 वाजता सुटून उधमपूर, श्री माता वैष्णो देवी कटरा, रियासी आणि बनिहाल मार्गे सकाळी 11.10 वाजता श्रीनगरला पोहोचते. तर वंदे भारत एक्स्प्रेस (26403) ही जम्मू तवीहून दुपारी 1.20 वाजता सुटते आणि सुमारे 4 तास 45 मिनिटांत श्रीनगरला पोहोचते.
वंदे भारत एक्स्प्रेस (26401): एसी चेअर कारचे भाडे 855 रुपये, तर एक्झिक्युटिव्ह क्लासचे भाडे 1,585 रुपये आहे.
वंदे भारत एक्स्प्रेस (26403): एसी चेअर कारचे भाडे 1,020 रुपये, तर एक्झिक्युटिव्ह क्लासचे भाडे 1,780 रुपये आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.