उत्तराखंडमधील विकासनगरमध्ये एक भीषण अपघात झाला आहे. बस दरीत कोसळून सुमारे 12 जणांचा मृत्यू झाल्याचे वृत्त आहे. सध्या पोलीस आणि एसडीएएफचे पथक मदत आणि बचाव कार्यासाठी घटनास्थळी दाखल झाले आहेत. चक्राता तालुक्‍यातील भरम खात येथील बायला गावाकडून विकासनगरकडे जाणारी युटिलिटी रविवारी सकाळी पीएमजीएसवायच्या बायला-पिंगुवा मार्गावर गावापासून 300 मीटर पुढे जात असताना दरीमध्ये पडली आहे. या अपघातात युटिलिटीमधील 12 जणांचा मृत्यू झाल्याची नोंद झाली आहे. घटनेची माहिती मिळताच महसूल व पोलीस ठाण्याचे पथक घटनास्थळी रवाना झाले आहे. एसडीएम सौरभ अस्वाल यांनी सांगितले की, चक्रता आणि तुनी तहसीलमधील महसूल पथक घटनास्थळी रवाना झाले आहे.