उत्तराखंडमधील चंपावत जिल्ह्यातील बाराकोट परिसरात बापुरू-बतोली रस्त्याजवळ बाराकोट परिसरात बापरू-बतोली रस्त्याजवळ एक भीषण अपघात घडला. सुमारे 200 मीटर खोल दरीत वाहन कोसळून त्याला आग लागल्याने पाच जणांचा मृत्यू झाला, तर तीन जण गंभीर जखमी झाले आहेत, अशी माहिती अधिकाऱ्यांनी दिली.

SDRF ने दिलेल्या माहितीनुसार, जिल्हा नियंत्रण कक्षाकडून या अपघाताची माहिती मिळताच चंपावत येथील SDRF पथक तातडीने रवाना झाले. उपनिरीक्षक डुंगर सिंह यांच्या नेतृत्वाखालील पथक आवश्यक बचाव साहित्यासह घटनास्थळी पोहोचले असता वाहन खोल दरीत कोसळून जळत असल्याचे आढळले. SDRF आणि जिल्हा पोलिसांच्या संयुक्त पथकाने अत्यंत कठीण परिस्थितीत बचावकार्य सुरू केले. वाहनात एकूण पाच जण प्रवास करत होते. बचाव पथकाने नीतू देवी (31), अक्षिता (8) आणि आरव (5) यांना सुरक्षित बाहेर काढून उपचारासाठी रुग्णालयात दाखल केले.

या अपघातात वाहन चालक राजेंद्र कुमार (47, रा, अजेंडा,) आणि बलदेव कुमार (34, रा. ननकोडी, अजेंडा) यांचा मृत्यू झाला. पथकाने मृतदेह ताब्यात घेतले असून कायदेशीर प्रक्रिया सुरू केली आहे. दरम्यान यापूर्वी 10 जून रोजीही मुसुरी रोडवरील झरीपाणी परिसरात अशाच प्रकारचा अपघात झाला होता. त्यामध्ये कार खोल दरीत कोसळून चार जणांचा मृत्यू झाला होता. त्यावेळी देखील पोलीस, अग्निशमन दल आणि SDRF यांनी संयुक्तरित्या बचावकार्य राबवले होते. अत्यंत कठीण अशा परिस्थितीत आणि उंच डोंगरांच्या भागात बचावकार्य करणे मोठे आव्हान ठरत असल्याचे SDRF ने सांगितले.