Summary -

• उत्तर प्रदेशमध्ये भयंकर अपघात झाला

• पानिपत-खतिमा महामार्गावर ही घटना घडली

• भरधाव कारने टेम्पोला दिली जोरदार धडक

• चार जीवलग मित्रांचा जागीच मृत्यू

• पोलिसांकडून तपास सुरू

उत्तर प्रदेशमध्ये भयंकर अपघाताची घटना घडली. भरधाव कारने रस्त्याच्या कडेला उभ्या असलेल्या टेम्पोला जोरदार धडक दिली. या अपघातामध्ये कारमधील चार जीवलग मित्रांचा जागीच मृत्यू झाला. पानिपत-खतिमा महामार्गावर बुत्राडा उड्डाणपुलाजवळ ही घटना घडली. हा अपघात इतका भीषण होता की कारचा अक्षरश: चुराडा झाला.

मिळालेल्या माहितीनुसार, बाबरी पोलिस ठाण्याच्या हद्दीतील पानिपत खातिमा महामार्गावर बुत्राडा गावाजवळ अपघाताची ही घटना घडली. रस्त्याच्या कडेला उभ्या राहिलेल्या टेम्पोला पाठीमागून आलेल्या भरधाव कारने धडक दिली. हा अपघात इतका भीषण होता की कारचा चक्काचूर झाला. कारमध्ये असणाऱ्या चारही मित्रांनी जागीच प्राण सोडले. कारला करटच्या सहाय्याने कापून चौघांचे मृतदेह बाहेर काढण्यात आले. अपघाताची माहिती मिळताच पोलिसांनी घटनास्थळी धाव घेतली.

पोलिसांनी मृतांचे मृतदेह ताब्यात घेत शवविच्छेदनासाठी रुग्णालयात पाठवले. पोलिसांकडून सध्या पुढील कायदेशीर कारवाई सुरू आहे. हे चारही तरुण हरियाणाचे रहिवासी होते. पोलिस त्यांच्या कुटुंबियांशी संपर्क साधण्याचा प्रयत्न करत आहेत. हे चारही तरुण हरिद्वारला जाण्यासाठी निघाले असावेत असा अंदाज वर्तवला जात आहे. चालकाचे कारवरील नियंत्रण सुटल्यामुळे हा अपघात झाला असल्याचे सांगितले जात आहे. अपघातानंतर घटनास्थळावर मोठी गर्दी झाली होती.