देशाच्या राजकारणात उत्तर प्रदेश राज्य अत्यंत महत्त्वाचं आहे. लोकसभेच्या सर्वाधिक ८० जागा या राज्यातील आहेत, त्यामुळे केंद्रातील सत्ता हवी असेल तेथे सत्ता हवी,तर तो पक्ष दिल्लीपर्यंत पोहोचतो. त्याच राज्यात आता मोठी उलथपालथ होण्याची शक्यता आहे. येथील दोन्ही उपमु्ख्यमंत्र्यांना मुख्यमंत्री पदाची ऑफर देण्यात आली आहे. ही ऑफर दिलीय समाजवादी पक्षाचे अध्यक्ष अखिलेश यादव यांनी.

समाजवादी पक्षाचे राष्ट्रीय अध्यक्ष अखिलेश यादव यांनी पुन्हा एकदा उत्तर प्रदेशचे उपमुख्यमंत्री केशव प्रसाद मौर्य आणि ब्रजेश पाठक यांना मुख्यमंत्रीपदाची ऑफर दिली आहे. "दोन्ही उपमुख्यमंत्र्यांपैकी एकाने १०० आमदार आणावेत आणि मुख्यमंत्री व्हावं." दरम्यान अखिलेश यांनी शंकराचार्य मुद्द्यावरूनही उत्तर प्रदेश सरकारवर हल्लाबोल केला आहे. ते म्हणाले की, राज्य सरकार शंकराचार्यांशी ज्या पद्धतीने वागवत आहे त्याचे उत्तर जनता देईल.

अखिलेश यादव यांनी उपमुख्यमंत्री केशव प्रसाद मौर्य यांना याआधीच मुख्यमंत्रीपदाची ऑफर दिली आहे. आता परत त्यांनी मौर्य यांना मुख्यमंत्री पदाची ऑफर दिलीय. राज्याच्या दोन्ही उपमुख्यमंत्र्यांपैकी कोणीही १०० आमदार आणा आणि मुख्यमंत्री पद घ्या, अशी ऑफर कोणीच देणार नाही, असं अखिलेश यादव म्हणालेत. अखिलेश यादव यांनी यापूर्वीही अनेकदा केशव प्रसाद मौर्य यांना मुख्यमंत्रीपदाची ऑफर दिली आहे. पण यावेळी त्यांनी त्यांचे दुसरे उपमुख्यमंत्री ब्रजेश पाठक यांनाही मुख्यमंत्रीपदाची ऑफर दिली आहे. यावर केशव आणि ब्रजेश पाठक काय प्रतिक्रिया देतील हे पाहणे मनोरंजक ठरेल.