लखीमपूर खेरी : उत्तरप्रदेशातून एक धक्कादायक घटना समोर आली आहे. उत्तर प्रदेशचे उपमुख्यमंत्री ब्रिजेश पाठक यांच्या ताफ्यातील कारनं एका रुग्णवाहिकेला जोरदार धडक दिली. या अपघातात २ पोलिसांसह ६ जण जखमी झाले. जखमींना तातडीने रुग्णालयात दाखल करण्यात आलं असून या घटनेनं उत्तरप्रदेशात खळबळ उडाली आहे. (Maharashtra News)

प्राप्त माहितीनुसार, उत्तर प्रदेशचे उपमुख्यमंत्री ब्रिजेश पाठक हे एका राजकीय दौऱ्यानिमित्त लखनौ येथून लखीमपूर खेरीच्या दिशेने निघाले होते. ब्रिजेश पाठक यांचा ताफा सीतापूरनजीक आला असताना, ताफ्यातील एका कारने रुग्णवाहिकेला जोरदार धडक दिली.

ही धडक इतकी भीषण होती की यामध्ये २ पोलिसांसह दोन डॉक्टर आणि इतर दोन जण जखमी झाले. अपघाताची माहिती मिळताच, स्थानिक पोलिसांनी तातडीने घटनास्थळी धाव घेतली. अपघातात जखमी झालेल्या पोलिसांसह डॉक्टरांना उपचारासाठी रुग्णालयात दाखल करण्यात आलं आहे. (Latest Marathi News)

दरम्यान, या अपघातात कुणालाही गंभीर दुखापत झाली नसून उपमुख्यमंत्री ब्रिजेश पाठक हे देखील सुखरुप आहेत. अपघातानंतर ब्रिजेश हे पुढील कार्यक्रमासाठी लखीमपूर खेरीला रवाना झाले असल्याची माहिती प्रशासनाकडून देण्यात आली आहे.

Edited By - Satish Daud