Uttar Pradesh News: उत्तरप्रदेशमधून एक संतापजनक घटना समोर आली आहे. उत्तरप्रदेशच्या मुझफरनगरमध्ये सासऱ्यानेच सूनेवर अत्याचार केल्याचे उघडकीस आल्याने खळबळ उडाली आहे. धक्कादायक म्हणजे पिडीतेने पतीला याबाबत सांगताच पतीने तिला मारहाण करत तिलाच घराबाहेर हाकलून दिले.
काय आहे संपूर्ण प्रकरण?
याबाबत सविस्तर माहिती अशी की, घरात सुन एकटी असल्याचा फायदा घेत सासऱ्यानेच आपल्या गर्भवती सुनेला वासनेचे शिकार बनवले. उत्तर प्रदेशच्या ककरौली पोलीस स्टेशन परिसरातील हे संपूर्ण प्रकरण आहे. पिडीतेचे 19 ऑगस्ट 2022 रोजी गावातील तरुणासोबत लग्न झाले होते.
तरुणीच्या सासऱ्याची तिच्यावर वाईट नजर होती. घटनेच्या दिवशी पिडीता घरात एकटी असताना सासऱ्याने तिच्यावर बलात्कार केला. त्यानंतर याबाबत कुठे वाच्यता केल्यास जीवे मारण्याची धमकी देत फरार झाला. पिडीतेने संध्याकाळी घरी आल्यानंतर पतीला आपबीती सांगितली.
क्रूर पतीने घराबाहेर हाकलले...
मात्र क्रूर पतीने तिला मदत करण्याऐवजी उलट तिलाच बेदम मारहाण केली. तु आता माझ्या वडिलांची पत्नी आहेस, तुझ्यासोबत राहू शकत नाही, असे म्हणत तिला घराबाहेर हाकलून दिले. पतीनेही घराबाहेर काढल्यानंतर महिलेने आपल्या माहेरी जात संपूर्ण घटनाक्रम नातेवाईकांना सांगितला.
आई-वडिलांच्या मदतीने पीडितीने मीरापूर पोलीस स्थानकात तक्रार दाखल केली. पोलिसांनी प्रकरणाचा गांभीर्य लक्षात घेत पीडित महिलेचा सासरा आणि पतीविरोधात गुन्हा दाखल करुन घेतली असून पतीला अटक केली आहे. या प्रकरणातील नराधम सासरा अद्याप फरार आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.