उत्तर प्रदेशातील प्रशासकीय आणि पोलीस यंत्रणा अधिक कार्यक्षम व बळकट करण्याच्या उद्देशाने योगी सरकार सतत 'ॲक्शन मोड'मध्ये कार्यरत आहे. सोमवारी रात्री उशिरा १४ जिल्ह्यांच्या जिल्हा दंडाधिकाऱ्यांसह (डीएम) ३४ आयएएस (IAS) अधिकाऱ्यांच्या बदल्या केल्यानंतर, मंगळवारी सरकारने १८ आयपीएस (IPS) अधिकाऱ्यांच्या बदल्या केल्या.

बदलीच्या यादीनुसार, यापूर्वी लखनौ येथील पोलीस महासंचालक (DGP) मुख्यालयात कार्यरत असलेले पोलीस अधीक्षक डॉ. सतीश कुमार यांची लखनौमधील एसएसएफ (SSF) च्या पहिल्या बटालियनचे कमांडंट म्हणून नियुक्ती करण्यात आलीय. पोलीस महासंचालक मुख्यालयाशी संलग्न असलेले आयपीएस अधिकारी संजीव सुमन यांचीही नवीन नियुक्ती करण्यात आली आहे. त्यांची 'यूपीएसआयएफएस' (UPSIFS) चे पोलीस अधीक्षक म्हणून नियुक्ती करण्यात आली.

लखनौमधील सीआयडी (CID) मध्ये पोलीस अधीक्षक म्हणून कार्यरत असलेले समीर सौरभ यांची सीतापूर येथील पीएसी (PAC) च्या २७ व्या बटालियनचे कमांडर म्हणून नियुक्ती करण्यात आली. तर सीतापूर येथील एपीटीसी (APTC) मध्ये पोलीस अधीक्षक असलेले आयपीएस अधिकारी आशुतोष द्विवेदी यांची अयोध्या येथे प्रादेशिक पोलीस अधीक्षक म्हणून नियुक्ती करण्यात आली आहे.

बरेली येथे प्रादेशिक गुप्तचर विभागाचे पोलीस अधीक्षक (SP) म्हणून कार्यरत असलेले आनंद कुमार-द्वितीय यांची लखनौमधील सीआयडी (CID) चे पोलीस अधीक्षक म्हणून नियुक्ती करण्यात आली आहे. अयोध्या येथील प्रादेशिक गुप्तचर विभागाचे पोलीस अधीक्षक संजय राय यांची लखनौमधील ईओडब्ल्यू (EOW) चे पोलीस अधीक्षक म्हणून बदली करण्यात आली आहे. तसेच, एटीएस (ATS) लखनौचे पोलीस अधीक्षक/अतिरिक्त पोलीस अधीक्षक म्हणून कार्यरत असलेले शशी शेखर सिंह यांची सीतापूर येथील ११ व्या बटालियन पीएसी (PAC) चे कमांडंट म्हणून बदली करण्यात आली आहे.