Latest road accidents in Uttar Pradesh : ७ मित्र पार्टी करून कारने घराकडे येत होते, पण त्याचवेळी काळाने घाला घातला. हायवेवरच एका ट्रकने कारला जोरात धडक दिली. या भीषण अपघातात ३ तरूणांचा जागीच मृत्यू झाला. तर चार जण गंभीर जखमी आहेत. उत्तर प्रदेशमधील कुशीनगर येथे हा भयंकर अपघात झालाय. अपघाताची माहिती मिळताच पोलिसांनी घटनास्थळी धाव घेतली. पंचनामा करत मृतदेह पोस्टमार्टमसाठी पाठवले. पोलिसांनी ट्रक चालकावर गुन्हा दाखल केला असून चौकशी करण्यात येत आहे. मिळालेल्या माहितीनुसार, अपघातानंतर ट्रकचालकाने घटनास्थळावर पळ काढला. पोलिसांकडून आरोपीचा शोध घेतला जात आहे.

कुशीनगर येथील ७ तरूण पार्टी करण्यासाठी घरातून निघाले होते. रात्री उत्साहात पार्टी करून ते सर्वजण घराकडे परत येत होते. पण त्याचवेळी काळाने घाला घातला. हायवेवर असणाऱ्या लग्नाच्या हॉलसमोरच ट्रकने कारला जोरात धडक दिली. ही धडक इतकी भयंकर होती की आजूबाजूला आवाज गेला, कारचा चुराडा झाला. कारमधील तीन जणांचा जागेवरच मृत्यू झाला. चार जण गंभीर जखमी झाले आहेत. त्यांच्यावर बीआरडी मेडिकल कॉलेज गोरखपूर येथे उपचार करण्यात येत आहे. त्यांची प्रकृती गंभीर असल्याचे स्थानिक प्रसारमाध्यमांनी सांगितलेय.

हाटा नगरपालिकेतील वॉर्ड ४ मध्ये राहणारे ७ मित्रांनी तुलादास हॉटेलमध्ये पार्टी केली. त्यानंतर कारने सातही जण घराकडे येत होते. एक किमी अंतरावरच त्यांच्या कारला जोरात धडक दिली. ट्रकचा वेग इतका भीषण होता की कारचा चुराडा झाला. तीन जणांचा जागीच मृत्यू झाला. अपघातानंतर परिसरात संतापाचे वातावरण होते. लोकांचा रोष पाहून ट्रक चालकाने घटनास्थळावरून पळ काढला.

पुरुषोत्तम 23 वर्ष, कृष्ण मुरारी 20 वर्ष, श्रवण वर्मा 26 वर्ष या तिघांचा जागेवरच मृत्यू झाला. सूरज वर्मा 22 वर्ष, शैलेश वर्मा 18‌ वर्ष, खासमुकेश वर्मा 19 वर्ष, विकास वर्मा 26 वर्ष हे चार जण या अपघातात गंभीर जखमी झाले आहेत. अपगातानंतर हाटा येथील सरकारी रूग्णालयात प्राथमिक उपचार करण्यात आले. पण प्रकृती गंभीर असल्याने त्यांना गोरखपूरमधील रूग्णलयात हलवण्यात आले आहे. चार जणांवर सध्या उपचार सुरू आहेत. अद्याप त्यांच्या प्रकृतीत सुधारणा कमीच असल्याचे सांगण्यात येत आहे.