वृत्तसंस्था : आज वर्षाचा पहिला दिवस आहे. आजपासून तुमच्या बँकिंग (Banking) व्यवहार विषयी अनेक नियमांमध्ये बदल करण्यात आले आहे. काही नियम हे ग्राहकांच्या फायद्याचे आहेत, तर काही नियमांमुळे ग्राहकांना नाहक आर्थिक भुर्दंड सहन करावे लागणार आहे. आजपासून नेमके कोणते नियम बदलणार आहेत. याचा मग ग्राहकांवर काय परिणाम होणार आहे. हे आज आपण माहित करून घेणार आहोत.

सर्वात महत्त्वाचा बदल म्हणजे आता बँकांना (bank) ग्राहकांनी लॉकरमध्ये ठेवलेल्या वस्तुंची संपूर्ण जबाबदारी घ्यावी लागणार आहे. तसेच आजपासून ऑनलाईन (Online) फुड डिलेव्हरीकरिता तुम्हाला जादा पैसे मोजावे लागणार आहेत. नव्या वर्षात हा सर्वात महत्त्वाचा आणि सकारात्मक बदल आहे. याअगोदर जर एखाद्या ग्राहकाची वस्तू बँकेच्या लॉकरमधून (locker) चोरीला गेल्यास किंवा हरवल्यास त्याची संपूर्ण जबाबदारी ही ग्राहकांची आहे.

हे देखील पहा-

संबंधित बँकेकडून ग्राहकाला कोणती देखील नुकसान भरपाई मिळत नव्हती. मात्र आरबीआयने जारी केलेल्या नव्या नियमानुसार आता लॉकरमध्ये ठेवलेल्या वस्तुची संपूर्ण जबाबदारी ही बँकेची असणार आहे. लॉकरमधून एखादी वस्तू चोरीला गेल्यास ग्राहकाला संपूर्ण भरपाई मिळणार आहे. याला अपवाद म्हणेज एखादे नैसर्गिक संकट जसे भूकंप (Earthquake), अतिवृष्टी, आग यामुळे जर नुकसान झाले असले तर संबंधित ग्राहकांना मात्र कोणतीही नुकसाई भरपाई मिळणार नाही.

आजपासून हा एक आणखी महत्त्वपूर्ण बदल करण्यात आला आहे. प्रत्येक बँकेने आपल्या ग्राहकांना फ्री ट्राझेक्शनची मर्यादा ठरून दिली आहे. त्यापेक्षा जास्त वेळा एटीएम (ATM) मधून पैसे काढल्यास प्रत्येक ट्राझेक्शनवर बँकेकडून त्यांच्या नियमाप्रमाणे चार्ज आकारला जाणार आहे. या नियमाने ग्राहकांना आर्थिक फटका बसण्याची सर्वात जास्त शक्यता आहे.

ऑनलाईन फूड डिलेव्हरी (Food delivery) कंपन्या असलेल्या स्विगी, झोमॅटो (Zomato) सारख्या कंपन्यांना देखील आता जीएसटीच्या कक्षेत आणण्यात आले आहे. यामुळे आजपासून ऑनलाईन फूड महागणार आहे. ऑनलाईन फूडची ऑडर (Order) देताना ग्राहकांना आता जादा पैसे मोजावे लागणार आहेत.

Edited By- Digambar Jadhav