अफगाणिस्तानातील (Afganistan) तालिबान (Taliban) राजवटीचा खरा चेहरा हळूहळू समोर येत आहे. अफगाणिस्तानात खाजगी विद्यापीठे सोमवारपासून सुरू झाली आहेत, परंतु यासाठी कडक नियम जारी करण्यात आले आहेत. कट्टरपंथी गटाने मुलींचे कपडे, त्यांना वर्गात कुठे आणि कसे बसावे, कोण शिकवेल, वर्ग किती काळ चालेल यासंदर्भात सूचना जारी केल्या आहेत. तथापि, तालिबानने आश्वासन दिले की लोकांना उदारमतवादी सरकार दिले जाईल. तालिबानने महिला आणि मुलांशी संबंधित मानवी हक्कांचे संरक्षण देण्याचे वचन दिले आहे. यामध्ये महिला विद्यार्थ्यांना वर्गात भाग घेण्याची परवानगी देणे समाविष्ट होते. स्थानिक माध्यमांमधून प्रकाशीत झालेल्या फोटोमध्ये आपण पाहू शकता की मुलं आणि मुलींना कसे विभागले गेले आहेत.

शनिवारी, तालिबानच्या शिक्षण प्राधिकरणाने एक दस्तऐवज जारी केला ज्यामध्ये महिलांना वर्ग सुरू होण्यापूर्वी एक अबाया आणि निकाब (जे बहुतेक चेहऱ्याला झाकलेले आहे) घालायला सांगितले. यासह, असे म्हटले गेले की मुले आणि मुली एकत्र बसणार नाहीत, एका बाजूला मुले असतील आणि दुसऱ्या बाजूला मुली असतील आणि दोघांमध्ये पडदा असेल.

केवळ महिला शिक्षिकाच मुलींना शिकवू शकतात असेही म्हटले होते. परंतू हे शक्य नसेल तर 'चांगल्या चारित्र्याचा शिक्षक' सुद्धा त्यांना शिकवू शकतात. या नियमाच्या आधारावर 'विद्यापीठांनी त्यांच्या सुविधांच्या आधारावर मुलींसाठी महिला शिक्षकांची भरती करणे आवश्यक आहे.' इतर तालिबानी आदेशांमध्ये असेही आदेश देण्यात आले आहेत की मुले आणि मुलींनी वर्गात प्रवेश करण्यासाठी स्वतंत्र प्रवेशद्वार वापरणे आवश्यक आहे. महिला विद्यार्थी पुरुषांना भेटू नये म्हणून पुरुषांनी पाच मिनिटे लवकर निघणे आवश्यक आहे. मुलींनी वेटिंग रूममध्येच उभे राहणे आवश्यक आहे. जोपर्यंत वर्गातील बाकी मुलं बाहेर जात नाहीत. प्राथमिक आणि माध्यमिक शाळांमध्ये देखील हिच परिस्थिती आहे.

Edited By: Pravin Dhamale