नवी दिल्ली : शिवसेना फुटीचे पडसाद लोकसभा निवडणुकीतही दिसत आहे. शिवसेना फुटीनंतर राज्यातील काही लोकसभा मतदारसंघात ठाकरे गट आणि शिंदे गट आमने उभे ठाकले आहेत. अशातच दुसरीकडे शिवसेना आमदार अपात्र प्रकरण कोर्टात सुरु आहे. याच प्रकरणात राहुल नार्वेकरांनी दिलेल्या निर्णयाविरोधातील याचिकेवरील सुनावणी पुढे ढकलली आहे. यामुळे या प्रकरणी सुनावणी १४ मे रोजी होण्याची शक्यता आहे.

विधानसभा अध्यक्ष राहुल नार्वेकर यांनी शिवसेना आमदार अपात्रता प्रकरणी दिलेल्या निर्णयाविरोधात ठाकरे गटाने कोर्टात धाव घेतली होती. त्यानंतर कोर्टाने शिंदे गटाच्या आमदारांना नोटीस पाठवली होती. याच प्रकरणावर विधानसभा अध्यक्ष राहुल नार्वेकर यांनी दिलेल्या निर्णयाविरोधीत ठाकरे गटाच्या याचिकेवरील आजची सुनावणी पुढे ढकलण्यात आली आहे.

ठाकरे गटाच्या याचिकेवरील सुनावणी आता १४ मे रोजी होण्याची शक्यता आहे. सुप्रीम कोर्टाने यापूर्वी उद्याची म्हणजे २६ एप्रिल ही तारीख निश्चित केली होती. नार्वेकर यांनी एकनाथ शिंदे यांच्या गटाचे आमदार अपात्र केले नाही म्हणून ठाकरे गटाने दाखल याचिका दाखल केली होती. या प्रकरणी शिंदे गटाने मुंबई उच्च न्यायालयात याचिका दाखल केली आहे.

ठाकरे गटाने दाखल केलेल्या याचिकेवर सुप्रीम कोर्टात की मुंबई उच्च न्यायालयात सुनावणी होणार हे देखील १४ मे रोजी स्पष्ट होणार आहे.