Siddhi Hande
उन्हाळ्यात थंड पदार्थ खाण्याची सर्वांनाच इच्छा होते. यातदेखील जर कुल्फी किंवा आईस्क्रिम असेल तर ते सर्वांनाच आवडते.
तुम्ही घरीच बाजारात मिळते तशी मटका कुल्फी बनवू शकता. याची रेसिपी खूप सोपी आहे.
दूध, काजू, बदाम, पिस्ता, वेलची पूड, साखर, फॉइल पेपर, मटका
सर्वात आधी एका भांड्यात दूध घ्यायचे आहे. हे दूध अर्ध होईपर्यंत उकळून घ्या.
यानंतर मिक्सरच्या भांड्यात काजू, बदाम, पिस्ता वाटून घ्यायचा आहे. हे सर्व दुधात मिक्स करुन ढवळून घ्या.
यात वेलची पूडदेखील टाका. हे दूध एकजीव करुन थोडा वेळ उकळून घ्या.
एका पॅनमध्ये साखर घ्या. साखर सतत ढवळत राहा. मंद आचेवर सतत हलवत राहा. त्याला कॅरेमल रंग येईल.
साखर घट्ट झाली की त्यात दूध ओता. हे सर्व मिश्रण एकजीव करुन घ्या.
यानंतर पाच मिनिटे उकळा. हे मिश्रण थोडं थंड झाल्यावर मातीच्या लहानश्या मडक्यात भरा.
या मडक्यावर वरुन फॉइल पेपर लावा. ही आईस्क्रिम फ्रिजमध्ये सेट होण्यासाठी ठेवा.