Myanmar Earthquake : म्यानमार पुन्हा एकदा भूकंपाने हादरलं आहे. म्यानमारमध्ये भारतीय वेळेनुसार रात्री ९ वाजून ५ वाजता झालेल्या भूकंपाचे धक्के कोलकाता आणि पश्चिम बंगालच्या भागात जाणवले. भूकंपाची तीव्रता रिश्टर स्केल ६.० इतकी होती. भूकंपाचं केंद्र म्यानमारमधील सीटवेजवळ होतं. येनांगयांगच्या पश्चिमेतील ९५ किलोमीटर आणि बांगलादेशातील कॉक्स बाजारापासून अंदाजे २०० किलोमीटर अंतरावर असल्याची माहिती मिळत आहे.

कोलकात्यात रात्री अचानक झालेल्या भूकंपामुळे उंच इमारतीत राहत असलेल रहिवासी घाबरून मोकळ्या जागेत पळून गेले. या भूकंपाच्या घटनेत किती नुकसान आणि जीवितहानी झाल्याची कोणतीही अधिकृत माहिती हाती आलेली नाही. या सर्व घटनेवर प्रशासनाचं बारीक लक्ष आहे.

मागील आठवड्यात अनेक भूकंपाच्या घटना घडल्या आहेत. १५ जानेवारी ते ३ फेब्रुवारीदरम्यान अनेक देशांच्या शहरांना भूकंपाचे धक्के जाणवले. त्यामुळे या देशातील नागरिक दहशतीत होते.

काश्मीरमध्ये भूकंपाचे धक्के

जम्मू-काश्मीरच्या श्रीनगरमध्ये २ फेब्रुवारी २०२६ रोजी ४.८ रिश्टर स्केलचा तीव्रतेचा भूकंप झाला होता. त्या भूकंपाचे केंद्रबिंदू बडगाम जिल्हा होता. या भूकंपाचे खोऱ्यात हादरे बसले. त्यामुळे लोक तातडीने घराबाहेर पडले. याआधी लेह प्रदेशात ५.७ रिश्टर स्केलचा शक्तिशाली भूकंप झाला होता.