डिसेंबरच्या शेवटच्या आठवड्यात अनेक सुट्ट्या आहेत. ख्रिसमस आणि नवीन वर्षानिमित्त अनेक दिवस सुट्ट्या असणार आहेत. यामुळे त्या कालावधीत अनेकजण आपापल्या घरी किंवा फिरायला जातील. दरम्यान, ख्रिसमस आणि नवीन वर्षानिमित्तच्या या सुट्ट्यांच्या कालावधी १३८ अतिरिक्त ट्रेन धावणार आहे. संपूर्ण देशात या ट्रेन सोडल्या जाणार आहे.

प्रवाशांचा रेल्वे प्रवास सुखकर आणि जलद व्हावा, यासाठी हा निर्णय घेण्यात आला आहे. अनेक नवीन वर्ष साजरा करण्यासाठी फिरायला जायचा प्लान करतात तर अनेकजण आपापल्या घरी जातात. त्यामुळेच हा निर्णय घेण्यात आला आहे.

१३८ अतिरिक्त ट्रेन सोडणार

रेल्वे मंत्रालयाच्या म्हणण्यांनुसार, १३८ स्पेशल ट्रेन सोडण्यात येणार आहे. यामुळे ६५० जास्त फेऱ्या होणार आहे. यामधील २४४ फेऱ्यांबाबत माहिती देण्यात आली आहे. या स्पेशल ट्रेन नऊ रेल्वे झोनमधून सोडल्या जाणार आहे. प्रवाशांना प्रवासात कोणतीही अडचण येऊ नये, म्हणून हा निर्णय घेण्यात आला आहे.

यामध्ये प्रत्येक झोननुसार ट्रेनच्या फेऱ्या निश्चित करण्यात आल्या आहे. वेस्टर्न रेल्वेतून २६ स्पेशल ट्रेन आणि २२६ फेऱ्यांना मान्यता दिली आहे. सेंट्रल रेल्वेद्वारे १८ स्पेशल ट्रेन सोडण्यात येणार आहे. या ट्रेन ११८ फेऱ्या करतील. साउथ सेंट्रल रेल्वेने २६ ट्रेनला मान्यता दिली असून या ट्रेन ३४ फेऱ्या मारणार आहेत. साउथ इस्टर्न सेंट्रल रेल्वे १२ ट्रेन सोडणार आहेत. या ट्रेनद्वारे ८२ फेऱ्या घेण्यात येणार आहे. यामधील अनेक ट्रेनची माहिती देण्यात आली आहे.