दक्षिण कोरियाच्या पूर्वेकडील किनारपट्टीच्या उलजिन प्रांतात असणाऱ्या हनुल अणुऊर्जा प्रकल्पाला लागून असलेल्या जंगलात वणवा पेटल्याबाबत रॉयटर्स या वृत्तसंस्थेने ट्विट केले आहे.

रॉयटर्सच्या ट्विटमध्ये म्हटले आहे की, 'दक्षिण कोरियाच्या उलजिन काउंटीमधील अणु प्रकल्पाजवळ जंगलात भीषण आग लागली आहे.'

दक्षिण कोरियाचे राष्ट्राध्यक्ष मून जे-इन यांनी शुक्रवारी हनुल अणुऊर्जा प्रकल्पाला पूर्वेकडील किनारपट्टीच्या उलजिन प्रांतात लागलेल्या वणव्यापासून संरक्षण करण्यासाठी सर्वतोपरी प्रयत्न करण्याचे आदेश दिले, असे दक्षिण कोरियाच्या अध्यक्षीय कार्यालयाने एका निवेदनात म्हटले आहे.

दक्षिण कोरियाच्या सरकारने या वणव्याबाबत गंभीर इशारा देत नैसर्गिक आपत्तीबाबत अलर्ट जारी केला आहे. या आगीपासून काहीच अंतरावर कोरिया हायड्रो अँड न्यूक्लियर पॉवर या कंपनीमार्फत आण्विक दाब असलेल्या पाण्याच्या सहा अणुभट्ट्या चालवण्यात येतात. त्यामुळे चिंता व्यक्त केली जात आहे.

Edited By : Krushnarav Sathe