दिल्लीतील जंतर-मंतर येथे कॉकरोच जनता पार्टीचे आंदोलन अजुनही सुरू असून बुधवारी या आंदोलनाचा 32 वा दिवस आहे. विद्यार्थी आपल्या विविध मागण्यांसाठी सातत्याने आंदोलन करत आहे. दरम्यान पक्षाचे संस्थापक अभिजीत दीपके यांनी स्पष्ट केले आहे की, आता ते सरकारशी चर्चा करण्यासाठी जाणार नाहीत, तर सरकारनेच जंतर-मंतरवर येऊन चर्चा करावी.

सूत्रांच्या माहितीनुसार, केंद्रीय मंत्री जे.पी नड्डा आणि डॉ. जितेंद्र सिंह यांनी गुरुग्राममधील मेदांता रुग्णालयात सोनम वांगचुक यांची भेट घेतली. सध्या वांगचुक रुग्णालयात दाखल असून दिल्लीतील सुरू असलेला तणाव करण्यासाठी सरकारचे हे मोठे पाऊल मानले जात आहे. सोनम वांगचुक यांचे अजुनही उपोषण सुरू आहे. दिल्ली उच्च न्यायालयाच्या आदेशानंतर मंगळवारी त्यांना सफदजंग रुग्णालयातून डिस्चार्ज देण्यात आला होता. त्यानंतर पुढील उपचारांसाठी त्यांना गुरुग्राममधील मेदांता रुग्णालयात दाखल करण्यात आले आहे.

बैठकीत काय चर्चा झाली?

मिळालेल्या माहितीनुसार, केंद्रीय मंत्र्यांनी मंगळवारी रात्री सुमारे 45 मिनिटे सोनम वांगचुक यांच्याशी चर्चा केली. यावेळी नड्डा आणि जितेंद्र सिंह यांनी त्यांचे म्हणणे शांतपणे ऐकून घेतले. तसेच त्यांच्या पत्नीचे विधान दाखवत सरकार चर्चेसाठी तयार असताना अडचण काय आहे, असा प्रश्नही विचारण्यात आला. त्यावर वांगचुक यांनी सांगितले की, त्यांना विद्यार्थ्यांच्या आंदोलनाचाही विचार करावा लागणार आहे.

नीट पेपरफुटीवरून देशभरात वातावरण चांगलेच तापले आहे. विरोधी पक्ष एकवटला असून जंतर-मंतरवर देशभरातील अनेक दिग्गज नेत्यांनी त्याठिकाणी भेट देत अभिजीत दीपके यांच्याशी चर्चा केली.